Un pauc de cultura « bicicletanta » dins ‘queu monde meschaënt

« Over Drive », ‘na seria animada dau Yasuda Tsuyoshi (2007)

L’istoria :

Shinozaki es un jòune estudiant que sa vita es força einuïsa. Chetiu, sens volontat, i a mesma de la gent per li raubar sa moneda. De parlar coma son amorosa, la Fukasawa, ‘na goiata de son escòla, eu se vei perpausar de junher lu club cicliste per ganhar ne’n fisança.
Coma eu sap quitament pas montar sus ‘na becana, eu vòu iò far per se-mesma, mas qu’es pas aisat. Quau que siàia, eu vai se descubrir una fòrça tras ‘queu sport.

Mon eivís :

Anima bona per durmir.
Aguí paur dès la desbuta, mai-que-tot de visar las referenças au Torn de França, au Giro, màs aquí per campar un eima « fau se despassar dins la vita per ganhar ».
L’istòria es pauc dinha d’interest, beleu perque lu personatge principau es sens caractari, e far mens, quò se pòt pas, sauv d’estre invisible.
Que lu tipe sachesse pas montar sus ‘na becana, perque non, qu’eu ‘guesse paur, perque pas, mas, vei-lu-quí apres far ‘na corsa de mai de 150 km un mes apres, au mitan daus corrors professionaus ! E me deman, passat la montanha de Bauça, monta l’Everest.

vlcsnap-2016-05-08-19h24m01s028

  • Lu liam per iò viesar (>fr)

« Yowamushi Pedal », ‘na seria animada dau Watanabe Wataru (2013)

Istòria :

Manhat-manhat per l’animaci’ japonèsa, Onoda Sakamichi, desempuei sos 14 ans, prenguet la costuma de rotlar mai una vielha becana, de chas se d’aici Akihabara, maugrat los 45 km.
Sa capacitat per montar las còstas que montan tant e tant mai sa becana purida es per plar a ‘na goiata, la Miki, que vai l’invitar de junher lu club dau ciclisme dau liceu.
A la desbuta, Onoda vòu pas ne’n far pertit, mas eu se decida e entan fasent, eu descubra un monde de competici’ que jamai eu auriá pogut creire ne’n estre.

Me fau vos balhar mon eivís aura :

Mesfiatz v’autres, qu’es de l’animaci’ « gròs-z-uelhs », tant iò dire.
Lu personatge principau es un pauc pauta gaucha mas quò fai de se quauqu’un que l’um vòu aidar, per luquau um porriá balhar un còp de man. Dau mesma biais, a la prumiera jupeta, comprenen aisadament que lu Onoda a pas solament daus problemes mai las goiatas o sos gòsts musicaus.
I a beucòp d’umor dins ‘questa seria, emai ne’n viguesse màs los 5 prumiers episodís. I a maitot un costat « didactique » sus lu ‘niver de la bicicleta.

vlcsnap-2016-05-08-19h26m10s583

  • Lu liam per zo veire (>fr)
Publicités