Dire ‘quò que l’um pensa pas…

[···] Deuriam purar nos mòrts dins ‘n’autra linga, ‘na linga desconeguda, la linga daus envaïdors. Te rendes compte ? Seriam forçats de parlar lur linga aüei. As desjà essajat de te contar dins ‘n’autra linga ? Te sonjas estre oblijada de dire quò que tu pensas pas dins ‘na linga que parlas pas ? [···]

[···] V’autres economistes, cresetz ‘ver ‘na responsa a tot, n’es-quò pas ? Mas ‘gaitatz donc l’estat dau monde que laissatz. [···]*

[···] Viguí daus cas que lu pacient parla pus perque eu pòt pas dire « ieu ». Perque, d’un còp, eu sap pus ‘quò que vòu dire « ieu ». Aquò eisplica lu silenci. Podem parlar nonmàs ne’n son nom proprí. E, disetz qu’eu vòu parlar. Es contradictòri, comprenetz ? Quante am quauquares de dire, iò disem. [···]

[···] Ton grand fuguet recrutat qu’eu eria d’enquera goiat, mai son frair, e ilhs povian pas parlar lur quita linga a l’armada perdeque qu’eria bandit, au nom de la patria ? La sola linga que coneissian parlavan desempuei lur naissença ? Nòstra linga ! Sap pas que, du temps qu’erian bombardats, povian pas parlar de lur ressentiment dins lur linga perque qu’eria desfendut ? Parlas ‘quela linga per me provocar ? Sap pas qu’ilhs abuseten de lur autoritat e qu’ilhs nos massacreten tota nòstra vita mai ‘quela linga ? !

[···] Mas la banca sabiá, qu’es segur. Coma faria un emplejat per investir daus millions sens que la banca iò coneisser ? [···]

[···] N’es-quò pas l’istòria de l’amor intra la Linga e lu Sòl ? ‘N amor tant fòrt qu’eu boiret Sòl e Linga, de maniera que la gent ‘visavan pus la terra sus laquela marchavan e, quante ‘vançavan, s’esvedelavan sus ‘quò qu’ilhs disian.

Un bilhet farjat de quauques bocins tirats d’una legida dau libre « Dire ce qu’on ne pense pas dans des langues qu’on de parle pas » dau Bernardo Carvalho.
‘Tenci’ de pas i veire matiera a quauquas nevròsas occitanò-normaupativas o sabe-pas-de-que.

Eimatge tirat dau site de França Cultura (>fr)

_____

* passatge tòst seguit d’una justificaci’ daus movaments nacionalistes d’eistrema dreicha, justificaci’ mai que mai estranha dins un tau libre farjat per parlar daus pòples e de las relaci’s dintra ilhs, dintra la linga e lu sòle.