JdM chanta Gaston Couté

Es pas lu Jan dau Melhau que la tiala crida a esperar un subremerchat virtuau per pòder cubrir la soá volontat de ‘chaptadís e entau se banhar de bonur, non, per aquò fau ‘nar legir ‘queu bilhet (@fr) e segre lu liam. ‘Queu bilhet per mon peron me decidet de lu ‘chaptar, manca que los leberons passessen ‘vant que Venus tornesse passar davant lu solelh (@òc), màs migre pas, i a un temps per tot.

Non Melhau chanta lu Couté, e ‘quò es ‘na fòrça bona chausa. Veraiament.

Per far aisat, Couté es de conhar dins la mesma tireta qu’un Gelu (@lim).

Lu Couté es un beusseron que nasquet ne’n 1880, montet a París far fortuna mas l’encontret pas ‘quela fortuna. Moriguet d’alcolisme e usat per la vita dins sos 30 ans.

L’envèia de chantar Couté, perquè pas, e perquè pas dins la linga lemosina, puei una, doa, onze chançons eisiteten dau temps d’una comedia. E puèi perquè pas jugar mai ‘quelas-quí, Magalí Urroz mai Alessandra Lacouchie. E vei-lu-quí, ‘queu cede, un bon. Las chançons parlan d’amor, de goiatas, daus vints ans e un pauc mai, de segur.

  • Veiquí lu liam sus lu siti de l’IEO-Lemosin (@òc).
  • Veiquí un siti (@fr) sus G. Couté.
  • Lu liam vers la FA, lu grop d’aquí (@fr) perquè Couté es maitot lu chafre de la secci’ locala daus anarchistes locaus.

Couté es d’enquera ditz per Bernart (veire los liams) au jorn d’aüei, Bernart que fuguet « lu subjet » d’un film.

Publicités