‘N’autra via dau mitan

Una vetz prenguí lu tragier per Benedictins, Aissa, Sent Iries, Quò-li-bufa, St-Breci… per ò dire, ‘na via « dau sud », que vironava au mitan daus ponts sus la Viena. Aquí (>òc)

‘N’autra vetz, prenguí lu chamin dau nòrd : Benedictins, Bòsc-Blanc, Bela-Garda, Orador de Glana, Diu-li-dòu… Aquí (>òc)

‘Questa vetz, prenguí per Vernuelh, St Vertunian, St Martin e St Junian.

Carta

Veiquí un bocin de la carta limerò 146, esdidata chas IGN.

carta_gn

Sériosadament, Lemòtges !

Daissar los Benedictins

Aquò es pas un esquipament de qualitat, ‘quò es màs de la pintura !

Zò sabe que ‘quò es « vielh », « ancian », qu’aquò data daus temps vielhs que la ciutat eriá regentada per…

De segur, ‘queu monde desiravan per n’autres, ciclistes, lu melhor e ilhs nos fagueten una minhardisa mai l’espací per la vitra dau retrovisor, mas, mas, mas per lu plaser de mamaisar, la banda pinta es « estrecha » dins sa finalitat, quò es res de mai quguna banda estrecha.

‘Vant d’anar embosinar alhor dins la vila, faudriá beleu trabalhar sus çò que se troba jà sos las rodas de las becanas.

Comprene be que « fau pas desvirar la ierarchia dins los desplaçaments » l’autre biais de dire « fau pas toschar la plaça de la banhòla », mas, aquò es pas de la qualitat, mai-que-mai dins la montada, que qu’es dins ‘queu sens que lu, o la, sus ‘na becana balha lu mai d’energia.

Ne’n mai d’aquò, res, res de res, pòt estre dich sus los pictogrames « becana » cerclats de verd.

Canton Sent Marçau

Passar per las p’itas « hallas », que las grandas e bra’as son dins lu centre, per junher Bòsc-Blanc e per lu plaser d’una fotografia per pigolhar dau monde, alhor dins lu monde grand.

Un còp de mai, viese que los « esportius » son pas de las gents que van per becana, e pertant, la besonha que traça lu chamin me disiá que un pitit ren eissistava aquí.

Beleu los bocins de pinturas sus lu trepador, beleu o beleu pas.

Landoja, Vernuelh

Landoja

La prumièra còsta dau jorn, la prumièra costa e las prumièras vachas, que son benaisas de ‘vieisar los ciclistes passar.

Tant ò dire, aquela prumièra còsta dins Landoja fuguet l’anchaison d’encontrar un automobiliste respectuòs dau becanor que monta, per luquau n’i a la prioritat, e per luquau quò montava… Lu tipe se ‘restet en amont dins l’esclusa, baisset sa vitra per me far un « gròs det levat » per me balhar de l’eime non pas per insurtar.

Passat Landoja me faguet traucar lu liceu agricole e encontrar una taula de peira :

Son estats fòrts los ancessors, los aujòus per saber qu’un jorn la taula serviria per beure un còp passat mieijorn.

Vernuelh

N’i a una operaci’ de comunicaci’ autorn de la bicicleta, totas las forchas son entau esquipadas.

Fau iò dire una bona vetz per totas : aquò son pas de las becanas per far la competici’, son de las becanas per los lesers. D’enquera ‘na vetz, n’i a un boiradís dintra bicicleta per tots los jorns, per anar dins los chamins, per viatjar, per correr…

E dins Vernuelh, n’i a res per los ciclistes « de tots los jorns ».

Fin finalament, lu Lemosin

Las levadas

15p100

Sabe gran perdeque vouguí passar per aquí, mas, quante n’i a de marcat « las levadas » sus ‘na carta, me faudriá far un pauc mai ‘tenci’.

Las peirieras de Panhac au luenh :

RIMG0522
Una fabrica de chamalaus ~ chamallows© :chamalaus

Las viradas

‘Ribat a Sent Vertunian, sei desjà passat d’un costat de la Viena~Vinhana per Sent Breci, Sent Junian… dau còp, vau traucar la ribièra per junher Sent Martin.

9p100

‘Vant ‘quò, fau montar un còp de mai e qu’es ‘quí que fuguet pres per l’odor de fen boirada dau verd dau fossat. Sabe pas ò dire. L’aër se soslevet coma ò fai la bruma los mandins dau mes mòrt de las vetz, d’un còp, per prener dins lu nas. Los milans amonaut dins los ciaus son beleu pas estats estrangiers a la levada dau vela d’odor.

Sauguí qu’eriá chas me ad aqueu momint.

La gleisa fòrta de St Vertunian

Un bastit

La gleisa de St Martin

Traucar una darniera vetz

Per ‘ribar dins Sent Junian… coma ò ditz lu paneu.

Lu resta de la rota es estat desjà contat sus ‘queu ciber-caier, vos fau fusinar los bilhets per trobar.

2 commentaires Ajouter un commentaire

Pòdetz far la linga de palha aquí :

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s

Ce site utilise Akismet pour réduire les indésirables. En savoir plus sur la façon dont les données de vos commentaires sont traitées.