Maliça nucleara – IMASHIRO Takashi

Per prener la sega dau libre dau HORI Jasuo, veiquí ‘na manga, afe doas.

Lu prumier limerò es ‘pelat « l’apres auvàri », lu second « a las cridadas », prendrai pas la pena de legir lu 3.

Apres ‘na cronologia de quò que se passet, sem dins la testa d’un tipe ordinari, lu Satō ; dise sem dins la testa, faudriá mai parlar d’estre davant son porta-onda perque l’i-a de las « capturas » daus escrans.

Entau fasent, seguem las pensadas dau Satō, son chaminament dins la politica dau Japon, dau biais que son aigats los afars alentorn de la centrala, coma las « informaci’s » son montadas per los nacionalistes per eisemple.

Au mitan de las novelas, i a las negociaci’s secretas dau TPP, un traitat que sembla lu nòstre TAFTA.

Bon, per balhar mon eivís, sem luenh, fòrt-fòrt luenh d’una banda dessenhada de la qualitat de « l’afar dau afars » o d’un dessenhator coma lu Squarzoni (>fr). E i a p’un air de torna-z’i !

Publicités