« N » coma « lou cabrettairi de Nadalou et de Nostra Dama »

Un libre dau V. Pourville, curat de Chamboliva (Corresa, sens Z).

Aprofeche de ‘quelas quauquas linhas de debuta per dire que demore maucresent, vire pas catolic, dise aquò emai i aguesse de las chausas pus gravas dins la vita que d’estre catolic.

Enquera un libre grafiat segond l’aer de l’epoca. Esditat per Pluriroc – Marselha, imprimat en Belgica (desjà la mondialisaci’). Son daus chants, cantiques, culhits e/o composats dintra las annadas 1878 jurtà 1931. I a quauquas datas de balhadas sus l’endrech ente i aguet ‘na representaci’. Segur, aquò resta fòrça religiós, Gesús, l’infern, lu paradís, los angeus, nadau e subretot un culte mariale, màs, me songe que quante un curat farja un pitit quauquares dins la linga dau país, aquò deu mielhs far passar las chausas, lu trobarai qua’iment simpatic.

Sem lendeman de l’Ascension, totjorn dins la setmana borruda (la setmana de las nivoladas), un chant per la Dama.

Nostra Dama de Lauria

1) Te saludom, ô Maria :
Visĕ aici touis Auvergnas ; A toun autar
de Lauria,
Som venguds per tĕinvoucar.

(Refrain)

Tamdque lou Ploumb del Cantal,
Aubourarot sa testa din lou cial,
Vendrim d’amount et d’abal,
Te pregar din toun oustal.

2) A Lauriă appariguéris
Lou grand dzour del Senct-Isprit.
A toun popli y diguéris :
Volĕ essĕ hounourada aici.

3) Pendoulhads sur lours iscassas,
Déu garels, dèus istroupiads,
Per lou pouder de ta gratia
Sĕ intournérount bien quilhads.

4) Gardom toui la souvenença
Dèu grands bes que nous has fact,
Et plets de recounesçença,
Venom per te remerciar.

5) Quoumo la villa de Blesla,
Qui vet dempei siei-cent-s-ans
Far soun vot din ta capella,
Veiras Massiac supplicant.

6) Nostris pairis te canterount ;
Quoumo iu te lauvarim :
Nostrai mairis te préguerount :
Quoumo illai t’aimarim.

7) Loui dzouvents, sur lours ispallas
Fièrament t’aubouraraut :
In proucessiu trioumphala,
Milla voux t’acclamaraut !

8) La Fed n’es pas aganida
Din lou païs de Massiac :
De mai in mai eimanida,
Torna se ‘scarabilhar.

Lou couplet 4 et lous qui segount din lou canticque Bouna Mairi podount s’appoundre aici.

Lou darrieir

In l’hounour de nostra Reina
Braves christiots auvergnas,
Din l’aur, quoumo din la dzeina,
Cantem lou Magnificat.

____________________________

Hai coumpousad aquel canticqui in remembrença de la counsecratiu de l’autar de Nostra Dama de Lauria, in la festa de l’Ascensiù 1889. Y éri ambé l’abat Pau, capelan de la Cascada, rasi de Bort. Canteram à la proucessiù lou canticqui : Salud Istiala de la mar. Agradet belcop à Mounsignour Baduel. Al mes de mai 1890, ouffrigueri à Sa Granddour lou canticqui que m’habiot invitad à far in l’hounour de Nostra Dama de Lauria ; recegueri din lou courent de dzun una brava littra del pious et bien coumpan ivisqui.

V. P.

Publicités