Coma un’agla
Tortona sus las mijas
Róia espaurit.
E fau pas contar ne’n aver mai lu temps de las vacanças…
« Un Monde de Peças »
« Un Monde de Peças » es ‘na bede d’avenidor que l’istòria se passa sus un juòc d’eschèc. I a un rei, daus pions obriers e de las damas que son de las immigradas sos lu còp d’una surtida dau territori.
Tot aquò se passa dins Nuòu-Esbene, au cur d’un monde que los cantons son daus plateus de juòc d’eschèc. Lu rei es dins son palaiç, las tors son per regentar las chausas, los chivaliers fan la poliça e los pions trabalhan e comptan aver, beleu, un jorn, ‘na promoci’.
Tots son apres prejar lu retorn dau jugor, que sens ‘queu darnier, son los fòus que fan tot per far sautar lu asard sus lu plateu.
Lu jornau de Nuòu-Esbene es « lu Pion© » — la vertat balhada sus un plateu — mas i a de la gent per legir « Mediamat », o per se fusinar la tiala tras « ChessBook ».
Mas, i a quauquares que vai mau dins lu governament, lu pòple es apres se desvelhar. Las Damas son chaçadas, i a de las manòbras alentorn de la tor Jaiseth, dau pion Detroit, de la jornalista Acathe, dau luòctenant Caïn o d’enquera de la Idisse, ‘na tipessa dau juòc de Damas… tots son au mitan d’una pertida que manha lu plateu, sens res saber de çò que pòt arribar dau costat dau juòc de Gò, per eisemple.
- Un chap-d’òbra d’eimatge de legir sus lu site de Slate (>fr) mai de las p’itas animaci’s *.gif.
Zbliża się, ogromna nawałnica / A huge storm is approaching
‘Quò monta brun !
Filme d’estiu — « Gentas ad en crebar »
Coma tots los ans, la p’ita ciutat de Mount Rosa, dins lu Minnesota es per elegir la goiata que vai la repersentar regionalament e beleu nacionalament au concors daus perfums Sarah Rose.
Ujan, la regenta dau concors es ‘n’anciana Miss, que sa filha se persenta ela-tot. Una goiata que los pairs an jamai dich «non »… a res.
Ujan, i a ‘n’esquipa de television apres far un documentarí sus lu concors. E dins un documentarí, beucòp de monde pòt parlar.I a mas doas possibilitats per las goiatas : ganhar o estre tuadas !
Un fòrt bon filme per rire d’aquilhs concors. Dedins, vesem coma es chausida l’esquipa daus jutges, las esprovas per reüssir. Coma sem « dins un documentarí », las scenas son montadas d’un biais tau que la poliça per eisemple, passat la prumièra mòrta, son còp-sec aquí de nos balhar las resultats de l’enquesta, perque ne’n fagueten una.
Un vertadier juòc de massacre sus fond de cotilhon.
En defòra de l’istòria, son los personatges plantats, tant los prumiers ròtles que los seconds, que son de veire.
- Titre originau : Drop Dead Gorgeous
- Realisat per : Michael Patrick Jann
Entau, lu ser, despuei la fenestra
Basilic flurit,
‘La vonvona e sei sundit !
Montar lu pestò.
_____
Et pour les francophones qui passent par ici :
Basilic en fleur,
Un bourdonnement me transit !
Monter le pesto.
Per trobar quauques haiku analisats, espelhats, copilhats dins tots los sens per ne’n tirar, ne’n comprener l’eime, fau ‘nar sus :
-!-
