Per parlar un pauc dau Budhā.

Dos libres per parlar un pauc dau Budhā, que qu’es un secret per degun, dins sa livrada « psicologia », es pas ‘n’eideia per me desplara.

« Bouddha » dau Jack Kornfield.

Se vòu coma un paneu ad una forcha per menar los occidentaus d’aicí las pensadas, los punts de vuda daus de l’eistreme orient sens lurs far pardre l’endrech d’ente ilhs venen.

Beucòp de se, lu « se » dau tipe qu’es pertant un grand pensor dau bodisme, beucòp d’istòrias per nos « toschar » sus ‘na rota ente la paur seria estada espotida se vouliam un bon còp estamnar lu desvelatge de la beutat dau monde.

Es un bon libre, mas pas totjorn aisat de legir. Los chapitres son longs e mai d’una vetz fuguí pres dau durmir sens estre pertant a la riba dau temple dau Ajahn Chah, situat dins ‘na forest ne’n Taïlanda. Iò dise per balhar la color dau bodisme que ‘quò se parla aquí.

Lu tipe parla de se, parla dau perdon, ‘na valor granda dins lu bodisme, mas obluda de s’aplicar las reglas. Per eisemple, per 1 condanaci’ de la politica daus USÁ, i a 100 criticas « d’aquela saloperia de comunistes », que fau de segur criticar, mas me sonjava que la via balhada per lu Budhā istoric eria ‘la dau mitan. Afe, los afars religiós.

« Le cerveau de Bouddha » dau Rick Hanson e dau doctor Richard Mendius.

Se vòu ‘n’analisa dau super cerveu dau Budhā faça a la sciença.

Analisar las darnieras descubertas dins los domenís de la psicologia e de las neuroscienças, lu comint ‘las fan per pesar sus la santat dau nòstre cerveu, ‘nalisar per aviesar lu benaise de la meditaci’ sus ‘quela mesma santat.

Un melhor libre que lu prumier emai a la desbuta ‘guesse ‘gut paur que ‘quò siguesse ‘na justificaci’ « apres còp » de la creiença coma iò fan mai d’una vetz las religions dau libre*.

Non, lu libre conta coma quò se passa dins la cervela quante ‘riba ‘n’informaci’, coma ‘la es traitada. Eu balha de las soluci’s per ganhar sus las sufranças, ganhar ne’n bontat e far frutjar l’amor.

 

Over the past year in parts of Asia, it is friction between Buddhism and Islam that has killed hundreds, mostly Muslims. The violence is being fanned by extremist Buddhist monks, who preach a dangerous form of religious chauvinism to their followers.

Photograph by Adam Dean / Panos for Time

La legida es aisada, que mai d’una vetz, atz la votz dau Jean Claude Ameisen dins l’aurelha apres vos legir lu libre. ‘Tencí, comprendretz tòst que qu’es nonmas ‘n’ilusí.

D’enquera ‘na vetz, sei pas bodiste au sens dau praticant d’una religion, coma ne’n parle, poden me dire bodològue. Quau que siàia, se charchatz veraiament un libre sus la psicologia bodiste, fau prener « Comment devenir un Bouddha en cinq semaines » dau Giulio Cesare Giacobbe, un fòrça bon libre, clafit d’umor, que ne’n parlava aquí (>lm).

Sus la vita dau Budhā ne’n se-mesma, i a lu filme « Little Buddha » dau Bertolucci, filme qu’es pas tant meschaënt qu’aquò, i au daus dessenhs animats de propaganda sus la tiala (mesfiatz v’autres n’i a mai d’uns farjats per de las sectas), i a ‘na p’ita manga « Les mots de Bouddha » chas Soleil-Manga (>fr), es pas lu melhor nonmas ‘na bona entrada dins lu domení e la manga dau Tezuka « La vie de Bouddha » (ne’n parle màs deve dire que faguí que la consurtar, e ai pas vut lu dessenh animat).

_____

* An descuberts quò-quí sus Març ! Vesetz ! Qu’eria desjà marcat dins « LU » libre, p2012.