Tolosa : las becanas vòlen rotlar sus las grandas rotas !

135€00 d’esmenda per aver pedalat sus ‘na larja via que degun i eriá. I a daus ciclistes per ronhar e per damandar lu drech de poder rotlar dins las vias daus bus, sus un sití pròpri, mai-que-tot de Castanet° a Ramonville

« N’autres prenem la becana per anar redde, autradament, aniriam d’a pè ».

Lu Etienne Joly ne pòt se desmaliciar. ‘Queu cicliste, per trabalhar, vai lu long de l’achanau desempui la campanha dau Lauragais jurtau Campus de Ranguelh, e, per tot dire, se’n prenguet una, d’esmenda, i a un mes d’aquò.

Lu ser, apres rintrar, se faguet prener sus la via dau bus. E los gendarmas agueten rason, perque los cicles son bandits d’aquel espaci, lurs fau passar de biais, au mitan daus vironzeus, dau monde apres rintrar chas ilhs, daus giratoris…

Quò qu’es per lu manhar un pauc mai, qu’es que alhor dins la ciutat Mondina, las becanas son autorisadas d’anar dins los coladors dau bus, desempuei mai de dietz ans. Adonc, ‘na vetz quò se pòt, ‘n’autra quò se pòt pus !

Lu tipe farjet ‘na damanda peticionaria, la publiguet e recauguet l’aida de l’associacion « dos pès doas rodas ».

_____

Nòta : ° me damandetz pas ente se tròba l’afar, ne’n sabe gran res !

Parution — Fulgurance

Le cercle des haïkistes du Ponant, bien connu de ses adhérents( faute de mieux);après dix ans d’existence publie « Haïku et poèmes de saison aux éditions Mline. Un recueil de cent quarante et une pages d’haïku, d’haïsha et de photos thématiques en noir et blanc. Ecrits indépenda mment par huit personnes, il donne un échantillon de […]

via Parution — Fulgurance

Lu venerat W.

Dins la Birmania daus jorns d’aüei, un monge bodiste, lu « venerat W. » enfeura fortadament la politica dau païs. Anar l’encontrar qu’es s’aretrobar au mitan de l’òdi e dau mesma biais, avieisar coma l’islamofòbia e los perpaus ronhòs se mudan ne’n violença. Pertant, sem dins un païs que mai de 90 % de las gents son bodistes, ‘na creiença farjada sus l’eideia de patz.

Veiquí per lu fiu generau. Lu filme es de veire, segur. Perque i a de las mecanicas que sautan un jorn, e quante lu terranh es preparat, las granas de l’òdi pòt frutjar. Mai d’una vetz, i a la comparason coma un certan Adolf, emai comparason siguesse pas rason, quante i a ‘n’amassada que bota lu fuòc ad un estre uman… mai daus monges au mitan.

Lu pertrach eisplica un pauc l’istòria « recenta » mas pausa lu barrador sur lu fach que la Birmania fuguet colonisada e que, passat la liberacion, gran res fuguet fach per la minoritat musulmana « importada » per l’ancian colonisator. ‘Tenci’, au lendeman de la guerra, los Rohingyas ‘vian los mesma drechs que los Birmans, la diferença se faguet sus dos punts, la possibilitat qu’i aguesse dau petròli lu long d’una còsta maritima e sus la possibilitat d’una « independança » — ‘qu’ilhs dos punts son ‘pelats dins lu filme — !

Passat lu pertrach dau tipe, i a d’autres monges importants dins lu bodisme, mai-que-tot, los que faguetan la revolta i a 10 ans d’aquò, e qu’ilhs-quí son oposats aus perpaux dau « venerat ». La parola es maitot balhada aus repersentants de la minoritat Rohingyas, d’associaci’ per aidar lu païs.

Quante disem Birmania, pensam Aung Sam Suu Kyi, e aquí, qu’es beleu lu punt de vuda que fai fauta, emai quò se parlesse de la conferença per far s’encontrar tots los chaps daus gropes — conferença que s’achabet pas per la fauta daus Rohingyas ‘questa vetz —, que la Pretz Nobel es « un pauc muda » sus quel afar.

En Occitània sabèm escriure la lenga imperialista — Democracia per Occitània

Ai pres ‘queu bilhet coma copiat-jaspit dau ‘vendres, nonmàs per la carta de las lingas de l’Euròpa, que per lu còp, los e las dau partit EDE — Eŭropo Demokratio Esperanto — Euròpa Democracia Esperanto — son beleu dins lu verai.

De segur, pòdetz legir lu bilhet dins son entier e mesma fusinar dins los filmes dau ciber-casernet.

 

Coma qué parlar l’occitana frena pas per saber coma se fabrica plan la lenga imperialista…. s’ortografirà fòrt plan las decas politics dels imperialistas franceses per castigar melhor l’occitana. L’Edicte de Villers-Cotterêts exosta tanben dins los mèdias oficial del jacobinisme, lo grope France Télévision, 2, 3, 4, 5, Gulli, France Ô, etc.La television decentraliuzada « France 3…

via En Occitània sabèm escriure la lenga imperialista — Democracia per Occitània