Art « crestian »

Un pauc d’art « crestian » per far « passar darrier », per entau dire, l’afar dau « plug » (>fr) ; personalament, songe que ‘questa « òbra » es eriá un chause « moderne » farjat aures per far se pasminar los artistes oficiaus subvencionats societalistes, emai aquí sagissesse d’un afar dins un contrat privat, non pas coma iò disseten los, coma las, d’eistrema drecha, una chausa paiada mai las taxas.

_____

Adonc un pauc d’art « crestian » faça a la censura :

non, qu’es pas de la pedofilia, es màs un vitrau.

Tòrna dire que dins lu « Jutjament finau », chapela Sixtina dau Vatican (>int), i a de persentats doas felaci’s dins lu paradís e un « fist fucking » dins l’infern ; sens oblidar lu coble de pedalas dins la pertit-nauta, es de dire lu paradís.

L’eimatge es tirat de la Wikipedia francesa

Se v’autres trobatz pas, vos dirai ente ilhs son, coquinons o saquetieras per be parlar.

_____

Mas coma dins lu boiradís d’eistrema drecha, i a pas que daus crestians, i a daus admirators dau mostachut, veiquí ‘na persentaci’ de la sòa òbra d’art la mai aimada :

« Ledà mai lu cinhe »★ per mon peron, la zoofilia… e vos parle pas aquí de la pintura que lu François Boucher faguet sus ‘quela tematica (>fr), ‘queu caier es d’enquera be tengut.

_____

Mas, vau pas me ‘restar ‘quí, me sei jamai ‘catat d’un interest per lu paganisme, veiquí de que vos transir :

Source photo : The Richest

I a gaire de temps, dins un emirat, beleu ne’n Egipta, un tipe fuguet trobat mòrt esbolhat per son asne ; la bestia semblava non consententa. La conaria es pertajada quau que siàia la religion.

De l’art pagan, beleu, mas, me crese un estete, ai ‘na preferença per lu « Tesè mai lu Minautòre ».

Crédits photo : Neatorama

La nadau será be tòst ‘ribada, lu nadau será tòst ‘quí ★★, veiquí de l’art popularí de Catalonha :

Finalament, un « plug » es resmas qu’una bonda au cuòu, beleu aquí sus ‘na mòda « art mardós », marchatz saber aura.
_____

★ Sauv de far lu monsur, lu « cinhe » es un ‘limaud tròp borges per los lemosins, pense que « aujar » poriá estre mielhs dins l’eideia mas pas per lu titre dau tableu.
★★ Lu genre, lu genre, mas ente vai lu monde 🙂

On peut aussi admirer une statue datant du XVème siècle de Sainte Wilgeforte à l’église de Wuissant dans le Pas-de-Calais.

Montauban – Catòlistes Attacks

Micheu Angeu chaffre dau Michelangelo di Lodovico Buonarroti Simoni, au sègle XV, aviá degut velar sos pitits angeus mai d’una vetz. La censura jos la fòrma de la gleisa catolica-romana, aidada dau Braghettone (Daniele da Volterra o le Volterran), tornet malinar la gent dau jutjament finau dins la chapela Sixtina (1).

Mas veiquí, la gent de Montauban passeten pas lo milenari, adonc las femnas an pas d’arma, per bichar fau l’autorisacion dau curat… e chas quelas gents, la chambrarièra es ‘quí per satisfar las gonadas dau patron. An qua’iment pas laissar l’atge meijan dins aquela partida de l’Euròpa. Sufiriá de trobar ‘na sorcièra per la tornar veire brutlar.

Pertant un curat, lo president de la societat arceologica e istorica dau Tarn & Garòna, esplica ben que per la gleisa (oficialament ?) :

« Fòra condamnar la nuditat e la sessualitat coma de las realitats ‘guissablas, ne vese pas çò que pòt justifiar ‘na tela atituda de la part d’aquilhs jòunes creients. La gleisa lau las realitats de la charn (…). Ne prene pas l’òbra d’Ernest Pignon Ernest per aquela dau diable o de las fòrças maleficas, ne’n mai d’aquò, ‘queu projèct es per p’una partida antireligiós.
Me damande mesma ‘quela educacion a la beutat an deguts recebre quilhs jòunes e ‘quela educacion sessuala per jugar los pairs-la-pudor e cridar l’escandal.»


E be, ardit pitit, un tau curat qu’a pas jamai pogut far daus pitits…
Dins la familha enburquisada, de barbuts, catolista, ‘na filha espliquet que :

« coma l’esvechat a ren fach, coma la comuna a ren fach, emai qu’ela aguesse ren contra l’art, quilhs dessenhs la chucan ».

sem passat a l’acte. E ‘quilhs merdós an besilhats ‘n’òbra de l’artista Ernest Pignon Ernest.

Vos laisse visar la televicon, lo vejaire de la prumièra femna es « representatiu de nòstra epòca ».

~~o(OLO)o~~

 

 

ernest-pignon-ernest.jpg
Pignon Ernest – Parcours Jean Genet – Brest 2006
Nòta :
1 – dins aquela pintura, dins la partida nauta, lu paradís, i a una pareilh de goiat , daus tipes, en tren de se potonar, e totjorn dins aquesta, i a maitot doas felacions « simbolicas ». Mas, la sodomia es dins la partida bassa, aquela de l’enfer.