Elisée Reclus sus lu genocidi de los d’Armenia

Lu grand geografe* Elisée Reclus nòta que lu maseu daus Armenians vai de bana coma una politica per los metre en defòra de l’accion sociò-culturala, mai que tot a Istanbul ente ilhs son nombrós, ‘quela politica desbutet per l’interdich de la linga. ‘Questa defensa s’ajosta aus mesuras desjà presas contre « tous les autres peuples de la Turquie, ce pays de caprice et d’oppression barbare, et, comme les Grecs et les Raya de toute origine, [les Arméniens] avaient été soumis aux “mangeries“, c’est-à-dire aux exactions de toute espèce, aux impôts forcés, aux contributions ordinaires et extraordinaires, aux corvées et aux tailles » (t. V, p. 479).

La gent au servici dau tsar mancan pas per dire au sultan que, au mitan daus jòunes armenians « sortis des universités étrangères, Genève, Zürich, Paris, plusieurs étaient socialistes, anarchistes même, et [qu’ils] publiaient des brochures de propagande où l’on s’attaquait directement à son autorité. La Russie, qui se méfiait déjà de l’intelligentsia arménienne, de l’esprit de liberté qui germe dans ce peuple opprimé, n’eut pas de peine à trouver un complice en suspicion et en persécution » (t. V, p. 480-481).

« Désormais nul Arménien ne trouva plus grâce devant le maître, et ses courtisans surent qu’il justifierait tous les crimes d’extorsion, même les assassinats en masse » (t. V, p. 481-482). Per far cort, « ainsi que l’a dit un homme d’État, “le gouvernement de Stamboul tenta de supprimer la question arménienne en supprimant les Arméniens eux-mêmes“ » (t. V, p. 479).

_____

* los-las de l’occitanistan tornaran legir lu chapitre « Poplament de la terra » (libre IV – L’òme e la Terra), sens obludar que lu teiste data de la desbuta dau sègle XX.

風土 – Fūdo – WATSUJI Tetsurō

« Fūdo, le mileu humain » revirada e comentarís daus Augustin BERQUE.

‘Tencion chap d’òbra. Emai v’autres siguessetz pas un-a « sabant-a », vos fau legir un tau libre, eu es dins lu linhatge d’un « La misère du Monde » dau Bourdieu, afè lu contrarí perquè Bourdieu nasquet après.

Revire aquí lu 4eme de cuberta :

WATSUJI Tetsurō (1889-1960) es l’un daus grands noms de la filosofia dau Japon. Fūdo, son òbra granda, analisa los liams estrech dintra culturas e entorn. Lu punt de vuda dau Watsuji es nuòu. Eu tòrna de biais lu determinisme environamentau*, que considera de l’endefòra lu rapòrt demest natura e cultura, se plaça au contrarí d’un punt de vuda « ermeneutique » : ‘quò es dau dedins qu’eu ‘trapa la maniera qu’an los òmes de vivre l’entorn e coma lurs farjadís eispriman ‘queu liam.

Ne’n defòra d’aver ‘quilhat teoricament lu concept de mediança** – fūdosei – 風土性 –  lu texte de Watsuji es ‘na bolada, ‘na davalada intuitiva granda dins lu biais de viure daus mitans umans, daus mandins freschilhons de la prima japonèsa d’aici las jornadas grisas de l’Euròpa occidentala, sens obludar las plenas de la China dau Nòrd, la remolhada de las nuechs a Singapor, las montanhas magrilhosas dau desert d’Arabia, las aigas plan « magras » de la Mediterranea…

Lu libre es estat esditat per lu CNRS

* Lu determinisme es de dire per eisemple « l’estre uman es fach per minjar de tot ». La realitat es que l’uman « ‘chabet » per minjar de tot e mai que mai ‘quò qu’eu ‘trapava segond l’endrech ente se trobava.
** la mediança es l’analisa dau biais qu’an doas pertidas de nòstre estre, l’individuala mai la colectiva, de se metre de bana per nos acoblar aus autres coma a las chausas alentorn de nos, per vivre.

Vòle pas balhar un eivís dau stile :

Après ‘na tala legida comprendretz perquè lu Lemosin eisista desempuei los galés, e mai, e mai, e mai, desempuèi lu temps de las chaunas, comprendretz perquè tant Occitània, coma França, eisista pas e qu’adonc, lu Lemosin es lu Lemosin, perdequè lu Lemosin es pas dins l’Occitània, granda o p’ita, la França nimai, nonmàs un canton d’Euròpa o de la Planeta…

La revirada e los comentarís son plasents, lu libre se legís qua’iment coma un roman, lu d’una permenada. L’eime dau libre es ‘queu daus temps ente mesma los sabants avián, e prenián, lu temps per dire lu monde, l’eisplicar. Non pas come aüei o lur fau respondre de tot e de res sus l’actualitat quora lur fau pas pausar nuds dins un calendier per ganhar de la moneda. I a un aer coma dins los libres dau Reclus (>lm) o dau Lin (>lm), ben eslunhat daus pensors~pensadors~pensaires « occitans ».

L’Òme e la Terra – E. Reclus

Ujan avem celebrat los quaranta ans de Mai68, mas i a d’autres aniversaris, segur. I a cent ans, la prumiera edicion de « L’Homme et la Terre » vesiá lo jorn, mai de doas annadas aprep la mòrt d’Elisée Reclus (1830-1905). Geografe, libertari  Reclus a realisat ‘na granda òbra dins queu libre ente eu ‘massa la soma de totas las soás eidèias e balha a veire dins queu biais l’imensitat de son champ de vision.Condicions ecologicas daus trabalhors.
Dins « pòples retardats », una sola carta dessenhada per un inouit sufiguèt per enlusir sa pensada (ela es quitament justa). Reclus insistèt sus las coneissenças que deviàn aver los pòples prumiers per poder subreviure, o se autrament, eran condanats a mòrt. Eu faguèt ‘na critica perquí daus regents, soles possessors de las cartas, adonc dau poder sus la gent per mielhs los domeschar.
Fenomenes economics.
Reclus faguèt dins queu libre, una francha critica de l’imperialisme de l’Euròpa (sem en 1900), mas de Marx maitot. Non pas que, per Reclus, lo Marx siguesse dins l’error, mas reduiguet son perpaus a la sola economia. Per Reclus, l’economia (e l’organisacion d’aquela ‘quí) es ‘na chausa, mas sens un punt de vuda generala, quo es pas utile (Reclus balha mesma son avis sus las prumieras fòrmas d’organisacions mutualisadas). Reclus condemnet las decisions centralisadas dins un país que deurián èsser presas « au mai pròpche possible » de las personnas concernadas.

Societat e Cultura dins un sense large.

Nòstra terra s’espandís tant luench que podem auvir la lenga.

Reclus analiset perquí, sens jamai èsser nacionaliste, las desparrieras dintra l’unitat alemanda e lo boticon frances d’aprep 1789. Eu balhet coma temuenh l’organisacion (en 1713) dins los Pirenèus dintra França e Espanha sens lo vejaire de París. Dins lo paragraf sus las culturas dau monde, quo es segur que fuguet defenduda l’eidèia que totas deurián estre respectadas. La cultura fuguet per los chinés (~1900) un util de resisténcia per ‘nar contra las armas daus europeus, au contrari daus japonés ente i aviá ‘gut ‘na fòrma d’esblausidament davant l’arribada daus europeus. Sens obludar los anglés qu’an sauguts usar de las religions per bocinar e dominar las Indes.

Vau ‘restar ‘quí queu bilhet sus queu libre riche de las prumieras temptativas d’analisis politicas e geostrategicas, libre d’un bon legir. Ai pas l’edicion completa mas ‘na presentacion realisada per Beatrice Giblin chas « La Découverte ».