Dau grand dins lu monde, au pitit jornalier.
Las gardianas de la Planeta
Un filme documentari dau Jean Albert Lièvre.
Lu filme :
Una balena a bòça s’engravet sus un rivatge, luenh de tot. Dau monde son ‘trapats a aidar per la sauvar. Dau mesma temps, nos es contada l’istòria de pas creire daus cetacèus, los que viven dins la mar granda, en plen necessari a l’ecosistema de la planeta, aquò desempui mai de 50 milions d’annadas.
Los eimatges son d’una granda-granda beutat mas, lu biais de contar l’afar es un pauc present de tròp e la musica es pas totjorn la benvenguda.
Concors de racontes breus
Se tòrna ‘pelar quante ‘la ‘ribet au vilatge, qu‘aviá tant de lanç e de projets… Qu’es ‘quò que se viret mau ?
Eria la desbuta per « Lu concors de novèlas en occitan dau Lector dau Vau ». Fau esperar las resultas aura.
E veiquí de trobar de que far mai :
Lo Comitat d’Afrairament Occitanocatalan (CAÒC) organiza lo 4n concors de racontes brèus en occitan Enric Garriga Trullols. Es un concors literari de racontes de tèma liure en quina varianta que siá de la lenga occitana e en grafia classica.
Avant lu 25 de març, 10/12000 signes. De legir aquí, chas Jornalet (>òc).
Haiku
« L’ors apres dança » limerò 26 se pòt trobar sus lu site de l’associaci’ per la propaganda dau haiku (>fr). I trobaretz, pajina 3, las directivas per los limeròs de venir.
Pas de NaHaiWriMo ujan, mas oblude pas de far de la micropoësia, de las vetz.
Vielha serva
Ente ‘la es la galhauda que fai Ploc!
— pescha-bernat envolat
Rapieta 