Desboiradís las vacanças passadas 1/3

Quauquas nòtas de çò que arribet dins ma p’ita vita lu temps daus congiers, nonmàs per pas iò pardre, queraque pas per me planher 🙂

Lu tren

Res vai estre dich sus la faiçon de se veire reçaubre a la gara centrala d’Orléans (>fr) perque ai vertadierament sonjat ad una comedia per lu montra-colhon.

« Atz un bilhet per Lemòtges, lu tren dau mandin ?
— Non, aquí vendem màs daus bilhets per los trens passat-mieijorn.
— Màs, màs, màs i a ben daus trens lu mandin per Lemòtges ?
— Beleu ! Vos vau anar veire sur la tiala ! Pòde vos ne’n vendre, nonmàs per los de l’apres-mieijorn.
— Marces. Me fau dire a la gent apres m’esperar que vau beleu ‘ribar lu mieijorn… Au reveire »

E còp-sec, tot apres sonjar que li ai pas pertant damandar un bilhet per Pau (>fr), vau davant una machina e pòde sens p’uns problemes ‘chaptar un bilhet, mesma per Sent Junian. Afè, son desjà dins ‘na gara que sembla ‘n’establa, ente ‘quò plou, i a dau vent… vòle pas los criticar mai qu’aquò, mas ne’n pense pas mens que, a l’eschala de l’agglomeracion, la sola gara de Fleury es mai-que-pro sufisanta, quante fagueten lu tramway, ‘navian que la tornar far « bela », en luòc e placa de la « de la capitala ».

Afè, dins tot aquò, coma de costum, pas grand monde dins un tren que far ‘na reservaci’ es obligatòri. Arribat a Lemòtges, descubre que aura, ne’n mai dau piano per nos cassar las aurelhas i a un baby-foot, mas degun per vos eisplicar — o aidar — ente passar au mitan daus trabaus. Qu’es entau lu monde au jorn d’auei, coma los trens son de pus en pus tardiers, fau de que minjar, perdon, de que far per que las gents s’enuiessen pas. Lu progrès, per entau dire.

Bon, Jan-La-Ronha es dans l’eideia de virar ‘na pertida d’aqueu bilhet e d’aidar lu Olivier Razemon dins sas culhidas :

 

 


La gara la pus bela de la galaxia, Lu sistemi de becanas per los vilauds e las vilaudas, un chause per los ‘taschar — me songe lu tipe que farjet ‘queu-d’aquí es estat fortadament inspirat per lu biais de liar las vachas au cornadís, per pauc qu’eu ‘guesse l’enchaison de iò veire far, aquò qu’es ‘n’autra istòria.

Lu bus

V’autres ò sabetz beleu pas mas, de las vetz, lu T.E.R. muda ne’n bus. Lu T.E.R. qu’es un pitit tren, eu se ‘resta un pauc pertot, pas lu bus, qu’es entau, tròp malaisat, ‘quò costa vai vos dire Microleon. Màs, màs, màs, per mamesar un pauc, i aia un bus de la regia departementala que partiá de Lemòtges, per Sent Junian, e que se ‘restava dins totas las garas, aquò per 2€00. Non pas 2 arrests per 8€00.

Me deve de dire la vertat, lu lendemain, aprenguí sur França-Vielh Lemosi’ que los trabaus sus la via erián ‘chabats, alaidonc, los trens ‘navan tornats rotlar.

Sent Junian

D’enquera una vetz, aqueu prumier bilhet « d’estiu passat » es fach per estre virat sus mon second cibercier, lu que parla becana, adonc quauquas vudas de la politica ciclabla de la ciutat pelissiera.

I a res de fach. E dins las novelas rotas, qu’es de la marda. Qu’es entau pertot, mas ‘na marda dins un pais de porcelana, aquò la met d’enquera mai ne’n valor. La mairaria de Lemòtges (>fr) vòu far sautar 400 km de pistas e bandas per las becanas d’aici 5 ans, a Sent Junian (>fr) son d’enquera de respirar l’aër daus tracassons e daus peladors que l’URSS balhet dins las annadas 60.

Aura que lu contornament de la vila li balha la possibilitat de crebar, perdon, aura que sem segur que la toristalha vai pas se ‘restar pardre son temps dins de las boticas, la comuna es fiara coma Artaban d’inaugurar la zòna « comerciala e dau desvelopament economique ».
Coma la vila es traucada per, aura, ‘n’anciana granda-rota, i aguet daus amenajaments de realisats. ‘Na bona eideia es la de bandir los fuòcs de sinhalament, ‘n’autra bona eideia es de quitament pus res marcar sur las rotas. Aquò fai far anar lu monde mens vite, e lu monde es fòrt respectuòs daus passatges per los que ven per los pes. ‘Questa granda rota, vei-ne’n-quí quauques eimatges.

 

 


Pòdetz veire que la comuna païet — e qu’es ‘na bona chausa — per far de las rampas per los e las qu’an daus andicapes (mesma se i a d’enquera de las marchas, quauquavetz), los crotsaments son bassez ben fachs.
Màs, màs, màs, qu’es pas pe dire, màs i a ‘na lei, ‘pelada lei LAURE, que parla de far un pitit quauquares per las becanas quante tripotatz las ruas. Lu pus pitit daus quauquares qu’es un paneu de limitaci’ 30. E i a grán quò-quí.

Un besilh ciclable

Fasetz de la marda, bon, ben v-òc-es ! Màs de las vetz que degun i faguesse ‘tenci’, fau far nuòu, coma ‘queu pictograme que vòu res dire, e la via mena en degun luòc, afè.

 

 


Non solament eu pas legau, mas per iò comprener fau un « centificat » de la comuna. Nòtatz que Sent Junian es ‘na vila beleu p’itat, beleu que degun ne’n sonja dau ben, mas ‘na vila moderna, la prova dins ‘queu #GCUM

#GCUM es lu chafre daus Garats Coma Una Marda, aquò es parrier per « las », en lemosin, aquò seriá #CUCUM, « Coma Un Chin Una Marda », e lu crotsilhon es lu fach que los dau Toïtair lanceten la mòda.

°(O!o)°

Lu bilhet limerò 2 será sus la placa de l’occitan dins la ciutat, dins lu pòste, lu limerò 3 será sus mas eisperienças socialas, avant de parlar de mos progiers..

  • Lu blòg dau Olivier Razemon es aquí (>fr-Lu Monde©)

°(O!o)°

Répondez en 5 minutes à l’enquête en ligne pour évaluer votre ville et partager votre expérience d’usager.

Les résultats seront rendus publics en 2018 et permettront aux villes de mieux cerner les attentes des citoyens qui souhaitent se déplacer à vélo.

c341d0_994f0fff65a94cf7952c39827956c378mv2

Enquête en ligne jusqu’au 30 novembre 2017.

Publicités

4 réflexions sur “Desboiradís las vacanças passadas 1/3

Pòdetz far la linga de palha aquí :

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s