Persentí autravetz Jan D’Auvernha (>aquí), auei, veiquí Amòrija… tant iò dire còp-sec, quò es pas un secret d’agland que vau ser e mandin, per rota coma chamin per bicicleta e que ‘las son chafradas coma ò son los vents.
Amòrija, un vent
Amòrija es un pitit vent que bufa màs dins lu canton de Sent Junian, dins los renvers de Confolent, Eissiduelh, Chabanès lu long de Viena d’aici la ciutat gantièra per apres ‘nar se pardre passat Lemòtges dins la pita montanha lemosina, dau costat dau plateu de Miuvachas. Quò es un vent dau coijant, nòrd coijant.
Amòrija, ‘na bicicleta
Amòrija — « Arise » dins sa persentaci’ oficiala, de virar ne’n « sautar » — ‘ribet a la desbuta d’annada. Daus 3 becanas que me fasia enveia, quò eria la limerò 3. N’i a que per una, n’i avia mai de 6 mens ‘vant de beleu la recebre, mas ela eria estada entierament farjada ne’n Euròpa. Las doas autras son fabricadas en Asia, per la marca italiana, la granda talha eria pas disponibla, adonc, vei-me-quí mai lu Bombtrack Arise.
Auriá pogut prener un pauc de temps mas aviá un bon de reducci chas ‘queu merchand, sens obludar una seconda promoci’.
Sautar
Bicicleta simpla e bona per tot, « Arise » utilisa nonmàs una vitessa per que v’autres poguessetz aver l’esperit sus la conducha e aures. De las rodas rapidas, daus peneus larges e un guidon escartat son per dire que n’i a pauc de chausas que ‘questa bicicleta ne pòt far, de la ròta d’aici un chamin per ‘nar trabalhar.
Esquipat per apondre daus garda-gaulhas, un porta-bagatge o b’etot ‘na roda mai 11 vitesas.
- De legir aquí (>en)
E veiquí lu filme oficiau de persentaci :
Torn dau proprietari
La becana ‘ribet din un carton, montada per 80% — quadre mai la roda de darrier, la chadena mau reglada —, fau ‘chabar lu trabalh, adonc montar : lu guidon, la forcha, la roda de davant, las pedalas…
Fau reglar tot aquò maitot. Lu quadre es sens chi-chi, las finici’s semblan bonas, i a p’uns bruch, lu tot es fort sonhat.
Per ‘vançar, fau que lu cicliste, o la ciclista, balhesse de l’ernergia a la bicicleta dins un movament dau pedalier a la roda per la chadena… e patin-cofin.
De las chifras
- Quadre forjat ne’n acier Chromoly (4130 crmo).
- Rodas son chaussadas de peneus 40-622 ETRTRO per los d’Euròpa, 700×40c per los de França,
- Plateu de 42 dents, pinhon mai 16 dents (ratio 2,63),
- Frenatge per discs…
Sus la rota
Rotlar d’aquí d’alai, per far boticar, per ‘nar trabalhar, quò vai une minuta.
Un prumier 100 km sens nautor
N’i a mai d’un chamin per se testar sus 100km, prenguí lu bòrd de l’aiga, e vei-me-quí dins los bòscs, puei dins ‘na vielha ‘gleisa…
- Zò contí aquí dins la linga de l’emperi (>fr)
Dins una animaci’ :
https://www.relive.cc/view/vMq539RA98O
De las nautors, sus 50 km
Veiquí l’afar que me’n balhava un pauc dins los darniers temps « es-çò que vau reüssir de montar los tuquets per ‘ribar chas me ? ».
Iò sabe que me fase una montanha d’un ren, e pòde ò dire aura que l’espròva es passada… quò eria pas aisat, quau que siàia.
De las fotografias :
Dins una animaci’ :
https://www.relive.cc/view/vrqDpZw7ywq
Per ‘chabar
Lu dise totas las vetz, ai d’enquera 5 ans, e monte sus ‘na bicicleta.
Bonus
.
Un commentaire Ajouter un commentaire