Galaupada d’espròva – Istòria « randonosa classica » : lu plaser autradament

Setz pus sens saber que autradavetz, escriguí un bilheton sus ‘na novela marca de bicicleta, ‘na marca que nos ‘riba d’Auvernha. Qu’es de legir aquí (>lm-histoire-bike) per ma revirada ; i trobaretz tots los liams de bon segre.

Ma becana actuala (>lm-mein-haus-mein-boot-mein-rad) ven de passar los mai de 30 000 km ne’n 5 annadas de servici. Passada la neu de febrier, ai vut doas fendas au niveu dau tube de sela, vieise qu’un còp de mai ai besilhat ‘na roda, mas, mas, mas per lu plaser de mamaisar, aquò me ‘restet pas per far « mon 200 »(>lm & fr), per anar a Sent Junian o per me permenar l’estiu (>lm-romanitat). Quante atz de la volontat, podetz botjar 15 kg d’acier sus 2 000 km.

Fau mai que de la volontat per anar e tornar dau trabalh tots los jorns, per beu e mens beu temps, sos la plueia, sus la neivia, sos lu solelh, i a màs que la volontat es ‘na bona filha mas pas pro sufisanta, adonc, sei tornat chas mos vendors de bicicleta mai l’eideia que « coma mon cadre es besilhat MAS d’enquera assegurat, dise ren, vos lu laisse e me fasetz ‘na remisa per que poguesse ‘chaptar una becana auvernhata ».

Son pas entau chas Cyclable-Orléans (>fr) : me diseten que lu cadre dau T100 ‘nava estre chamjat per res, es ad aquò que vesetz la diferença coma las grandas surfaças de l’espòrt, e que de tots biais, son pas geinats que ‘chaptesse chas ilhs una becana chas un constructor « non-referençat », fuguesse un constructor d’Auvernha.

Sei brave, sabetz, mas faça ad una enveia, sei feble, adonc vei-me-quí apres « prener lu comandament de l’istòria », sus ‘na « randonosa classica »(>fr), una daus 8 modeles farjats per la tota jòuna marca auvernhata. Per dire verai, an globalament nonmàs 4 modeles, desclinats ne’n doas robas, una esquipada per anar au bot dau monde, ‘n’autra per far un grand-grand tròs de chamin sus la planeta.

Torn dau proprietari

Passat los pitits reglatges, la sela que fau montar e cular perque sei ‘na granda personna (pas un gigant non pus), vei-me-quí apres pertir dins la rua de la ciutat sus ‘na becana jauna coma la genciana pòt l’estre dins las montanhas auvernhatas e per delai las colinas lemosinas.

Lu cadre es sens chi-chi, las finici’s semblan bonas, i a p’uns bruch, lu tot es fort sonhat. L’energia es balhat per lu cicliste, o la ciclista que siàiatz ‘na filha, dins un movament dau pedalier a la roda per la chadena… e patin-cofin.

Lu cadre de bana coma la forcha son forjat ne’n acier. Las rodas son chaussadas de peneus 47-622 ETRTRO, 28”x1,75 per los d’Angleterra, 700x45C per los de França — dès lu chamjament tornarai ne’n 32-622 Etrtro, una bona talha per tots los jorns — l’aisida per las vitessas es dau Shimano-Alivio 3x9V, las jantas son a dobla peu… breu, i a gairemen res que deuriá estra gietat ; sem aquí dins una configuraci’ comuna dins ‘quela categoria de bicicletas.

Lu biais de far chas Histoire.bike es d’aver servat lu mesma cadre que la granda sòr e d’aver « jugat » sus los compausants sens compromès sus la securitat… dos detalhs per ò probar : los pòrta-ralhons — o, coma eu es jaune coma la luna, faudriá dire los pòrta-rais — e second detalh, la ponhada per lu portatge H-Plift©.

Sens obludar que tot es estat fach per la far evoluar, per eisemple, la roda arrièra e lu cadre son fachs per poder aculhir daus frens a disque.

Sus la rota

Los prumiers torns de roda, dins las ruas e sus las rotas an pas estats aisats perque sei estat fòrt-fòrt suspres per la talha, ad un punt que me songí estre tornat sus de la roda de 26”, e aquò sens parlar dau volant.

Pertant comparat au T100, las dimenci’s son quitament parrieras. La granda diferença es dins la forcha, elas an pas la mesma geometria, tot parrier sus la colona de direcci’. Lu cadre es un pitit pauc pus cort, mas a de las pautas de darrier un pauc pus grandas.

Lu noveu es beleu mai legier d’un gròs kilo.

D’enquera ‘na vetz, una bicicleta deu estre reglada, per mon perron, apres la sela, deve paufinhar l’afar au niveu dau volant, principalament. Çò que vos manha deu poder estre chamjar. Sus la tiala podetz legir d’aquí d’alaï que lu volant es pas beu, que sus tala marca i a quò-quí, aquela a los frens entau… daus detalhs d’un monde que ‘chabara per anar dins una granda surfaça. Tòrne zò dire, los dos tipes que ‘quò se parla dins ‘queu bilhet avián pas tot lu confort moderne, e fagueten (>fr). Un afar de volontat.

Darnièra comparason, lu prumier còp que montí sus lu T100, me sei trobat un pauc naut sus la chaussat, mas dins un grand confort ; sus l’Istòria, me sei trobat un pauc coma sus un vetete, mas tost ‘trapat per ‘n’enveia nervosa d’engular dau kilometre d’aici se ‘trobar desanar. Per usar d’un eimatge, l’alemand es ‘na Citroën mai ‘na suspenci’ idrò-peneumatica, la GS per balhar ‘na refença de pitit vielh (>fr), l’auvernhat es un C15 (>fr), increbable.

Ai rotlat quauques 500km desempuei lu 10 de decembre, encombrat mas pauc charjat, sauv un paqueton de 25kg, sens problemis.

500 qu’es pas lu torn dau monde, segur, mas eu sembla estre montat sus ralh, tant sus lu bitum que sus los chamins (pòde pas ne’n eschivar 2 km sus ma rota de tots los jorns), sus los pavats e sus las fuelhas mortas un jorn de plueia… quante l’autre te portava mas se daissava estre toschat, queu-quí te mena, e qu’es se que comanda, i a mas de li far fisança.

Espere solament que l’avenidor vai pas me balhar tòrt.

Remembrança & conclucion

Dins l’anna 2018 faguí quauques 5 830,86 km de bicitrabalh — 400 son estat realisats dins l’espròva de la novela bicicleta — sus los 6 940, 67 km totaus, afe, mesurats per lu jaspit-aurelha. 2018 fuguet ‘na bela annada per lu costat bicicleta de la miá fòrça.

L’anciana becana, una vetz son cadre chamjat, vai estre vetuda d’una ròba mai vilauda qu’es de dire que la roda vai estre esquipada d’una boitia automatica, lu volant vai estre chamjat s’etot, lu pòrta-bagatge vai estre ostat… tot aquò per li servar la vila, mas atz vista fach 40 km dins ‘na ciutat.

Lu noveu, que sa lumira es desjà passat de 30 a 70 lux, es a l’espera d’un an avant de recebrer un fren a disque.

Lu noveu es maitot apres esperar la neu…

  • Veiquí lu liam de chas Histoire.bike (>fr) ente i a de las bra’as fotografias sus lu compte.
Publicités

Pòdetz far la linga de palha aquí :

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google

Vous commentez à l'aide de votre compte Google. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s

Ce site utilise Akismet pour réduire les indésirables. En savoir plus sur la façon dont les données de vos commentaires sont traitées.