– Ò sabiatz v’autres que quò se fasiá dau vin a la surtida de Lemòtges ?
– Non ! Mas ente quò ? De ‘quela surtida parlatz ?
– Quante ‘natz vers Sent Junian ! Mas pas lu long de la nacionala. ‘Na vetz passat l’aeropòrt, fau prener Vernuelh, ‘nar vers la gara, ‘quò deu estre dins quilhs cuenhs.
– Fau beleu traucar la Viena. Crese que qu’es ‘quela rota que junh la que vai a Conhac lu Fred.
– La Forest, Conhac la Forest aura.
– Autravetz, qu’eriá lu Fred, los ancians disián mesma Conhac sens res apres.
– V-òc-es, mas aura, qu’es chamjat.
– ‘Quò chamja tot lo temps. Quò ven beleu dau rechaufament, ‘quò deu queraque pus i far fred…
– V-òc-es, iò disseten be dins lu poste. E coma i a ‘na forest
– Que qu’es la de Rechoard…
– Afè, es dins lur internet qu’i ne’n a que iò fagueten veire, v-òc-es, de la gens que fan dau vin a Vernuelh. Qu’eriá interessant, non pas coma los que s’esjacinan avecque los piaus de totas las colors coma de las vetz.
– Dins lu bigaroelh tots ‘quilhs comedians. Mas i en a pas luenh de Vernuelh, los montreten l’autre jorn a la televicon, daus bodistes o sabe tròp que, afe, daus charlatans.
…
Per far lu vòstre d’eivís, sus lu vin, pichatz donc lu liam (>òc-fr). Suau, i a pas d’eimatges dau lendeman de reportatge mai la gens apres se planher daus maus de testa o los rainards pausats d’aquí d’alai. Marchatz saber, ilhs rentreren beleu pas tot sou.
_____
Los liams :
- Lu site daus productors dau vin.
- La meijon que prodús los filmes, n’i a tota ‘na serïa de veire.
- Lu site de l’I.E.Ò. dau Lemosin.
_____
Rapieta 