Yi Ch’ŏngjun – 이청준 « Far lu jornau mai un aubre beu »

Yi Ch’ŏngjun – 이청준 « Far lu jornau mai un aubre beu ».

Apres lu Jan* dau Melhau de chas los de China (>lm), veiquí lu Jan dau Melhau que nos ‘riba dau païs daus mandins suaus.

Una culhida de novelas per nos parlar dau monde per dire la creaci’.

‘Tenci’, qu’es pas un livre ente l’autor, Monsur Yi, nos parla d’un temps perdut, ente eu fai lu sermonor sus las chausas que son pus coma autravetz. Non, qu’es una porta dubrida de’n prumier sus son canton, lu Ch’ŏlla, mai una cultura pròpra ad aquela pertida de la Corea. Qu’es l’enchaison per nos parlar daus arts dau cirque, de la pintura, de la fotografia.

Qu’es entau maitot que l’autor eisplica lu tir mai un arc, un biais de prener ‘n’escorchiera dins la legida dau « zen dins l’art dau tirc a l’arc »**. Dins ‘n’autra novela, quò se parla de porcelana, e mai que tot, dins la novela que balhet son titre au libre, i a un aubre qu’eisplica la vita ad un tipe.

Qu’es aquí que la color pren ‘na tinta « spirit of Jan dau Melhau inside ». L’aubre parla de la vita e mai-que-tot de la mòrt ad un tipe que se sieta un jorn sos son ombra.

_____

* que « cal dizinejir Joan », edr.

** un libre que tene per un chap d’òbra, ne’n parlarai una autra vetz, d’autan mai que vene d’aprener que lu tipe que l’escriguet eriá un nazi, quò-qu’es per me manhar un pauc.