NaHaiWriMo 2022 – Haiku mai Tanka a perpaus de l’auvàri de Fukushima

D’enquera ujan vau taschar de perticipar au NaHaiWriMo, mas, d’enquera ‘na vetz, a la miá de mòda, non pas segre los francilhons que seguen los angles… sus fcbk.

Ujan, vau revirar daus haiku e daus tanka farjats dins la linga japonesa, puei virats dins la linga universala, l’esperanto, per Monsur HORI Jasuo. Aquò vai estre l’enchaison per me de trabalhar un pauc la linga, que i a un eisamen au mes de junh.

La tematica de la revuda ente vau prener los haiku es titolada « Hajkoj kaj Tankaoj pri la Fukuŝima-Katasrofo — Haiku mai Tanka a perpaus de l’auvàri de Fukushima ».

Son daus haiku farjats per los e las de la societat Akebono, persentats, virats e metuts de bana coma de las fotografias.

Tornarai dins un temps sus la societat Akebono, sus las persentaci’s de la revuda e daus haiku, e forçament, sus lu Jasuo HORI.

Veiquí lu prumier haiku dau NaHaiWriMo 2022

La montanha Abukuma duerm

Mai dau cesium

Dins sa fauda.

Nòta : « en sia sino », mòt per mòt « dins son sen a ela, dins la soá gòrja », que lu pronom « sia » es un « reflexiu », o dins un sens mai eimatjat « dins son mitan » ; lu mòt « sino » vòu dire maitot « fauda » (fr : giron) e l’eimatge balhat es per me plaire.


Lu site per persentar lu NaHaiWriMo (>en)

Write one haiku a day for the month of February! Why February? Because it’s the shortest month, for the world’s shortest genre of poetry.

2 commentaires

  1. Adiu e la bona annada! E podem díser que l’esperanto ei ua lenga? Ei un utís? Ei utilizat per quau comunitat? E hè societat? Que m’ac demandi se podem parlar de lenga esperanto? Bona sòrta en l’entrepresa NaHaiVriMo!

    1. janpeire dit :

      De segur que l’esperanto es ‘na linga, desempuei mai de 100 ans, i a guet mesma daus natius dins la linga, per eisemple, quante un d’Angleterra fai un nanet mai una dau Chili, que tots dos se siguessen rencontrats ne’n Esperantia (un congres), que la linga meijon siguesse l’esperanto, lu goiasson parlara esperanto nativament.

      Hori, dau temps de l’auvàri, escriguet daus teistes dins la linga universala, entau fasent, pas de passatges dau japones vers l’angles, de l’angles vers lu castilhan, dau castilhan vers lu frances – Tornarai sur ‘quel afar !

      Sus la linga, son istòria, i a queu filmonet :

Les commentaires sont fermés.