Bon’annada 2022

Bon’annada 2022
Patz, bonur per v’autres mai los vòstres !
Bona santat

Un pitit bilhet per l’annada entranta e perque ‘quò fai un brin de temps que venguí pas balhar minjar ad aqueu ciber-quasernet.

Deve dire que lu mes mòrt fuguet mai-que-mai pres per lu NaNoWriMo e que aura, fau tornar trabalhar un pauc los dos teistes, que dins la vita vertadiera i aguet beucop tròp de chausas de far, dins lu trabalh, dins lu monde associatiu…

Un pitit bilhet per parlar dau Nadau passat

Forçadament eu passet d’enquera ujan, emai siguesse pas totjorn savi, eu passet per me portar quitament tot çò qu’avia estat comandat :

Esperanto

Per cas que l’eisament d’esperanto poguesse aver luòc ujan, me fau trabalhar la pertida orala de la linga e ganhar dau vocabulari, adonc :

  • Libre – « Ne ekzistas verdaj steloj » (N’i a p’unas estelas verdas) dau Liven Dek. Son de las istòrias pauc longas, aisada de comprener.
  • Disc – « Brel en esperanto » chantat per la Kampanoj, e, « Okcitanio » dau Patric.
    Tant ò dire, Brel es de bon escotat, per lu Patric, ai un pauc de mau.

La tipessa de la botica d’Esperanto-France oblidet un libre de poësias cortas, una revuda… Junh vai ‘ribar que vau pus res saber.

Occitan

L’estiu poguí pas me restar davant la libraria, la pair Nadau deu aver un bon anti-raubor sus son chareton, entau fasent i passet per :

  • Libres – « De tiala boiradissa » de la Françoise Dudognon & « vent de sable » dau Joan Gagnhaire.

Forçament, son pas d’enquera legits, que sei tant rapide dins la legida qu’un jau per poner.

I a de las influenças dau « Còr de la Plana » mas lu ‘nivers es lu lors. « La Liseta » es veraiament estranha coma musica.

  • Filme – « Abril e lo monde trucat » virada dins la linga occitana dau filme « Avril et le Monde truqué » :

Francès

  • Doas bandas dessenhadas. Una dau Fabcaro « Open Bar », una bede fòrt mocandièra sus lo monde moderne, ‘n’autra dau Vandermeulen, ‘n’adaptaci’ dau libre dau Yuval Noah Harari « Sapiens », pas mau per eisplicar las chausas.
  • Dos libres. « La science des balivernes » dau T. C. Durand, de la chadena io-tube « La tronche en biais » & « Rabalaïre » dau Alain Guiraudie.
  • Un filme « Yakari », que aura, ai la bede en occitan, lu filme en francès e la remembrança de l’eifança.

Un pitit bilhet per parlar daus engatjaments per 2022

  • 0/ Trobar coma tornar poder « aimar » los bilhets chas WordPress. Sabe gran perque, pòde totjorn pas cliquar, afe pòde mas còp sec, l’estela s’entorna que zò faguesse desempuei lu legidor WP, sus los bilhets… aquò me manha un pauc.
  • 1/ òc-fr – Adobar las p’itas poësias trobada ne’n 2021, d’enquera ‘na vetz, mai LyX, emai siguesse luenh de la qualitat de la Benedicta Bonnet (>òc).
  • 2/ eo – trabalhar per aver mon eisamen au mes de junh.
  • 3/ eo – aprener a sostitrar los filmes e pausar lu trabalh chas daus auberjors « liures ».
  • 4/ òc – contunhar / zò far reguliarament : postar daus liams chas Mastodon dins la linga per far la propaganda de Hadiu, Meitat-chen, Jornalet, Sapiença
  • 5/ estre un pauc mai plasent, far ‘tenci’ de pas tant minjar, rinjar un pauc mos afars, bicicletejar (>fr-becancaneries), prener dau temps per estre atentiu…