Un pauc coma dau Delerm – 2

le

L’atz ‘massada dins lu chamin, a la clida d’un vargier, coma zò fasiatz goiat.

Qu’eriá be desfendut mas, qu’eriá queraque pas coma la vòstra p’ita man que ‘navatz las ‘massar totas. Los sers de velhada, los grands sietats sus lu bancon — ‘na tronça mau copada au carrat, pausada sus quauquas briquetas eschapadas dau jorn que la meijon istòrica dau Monsur (lu pòrc) s’eriá esbolhada — d’autres veisins siclats sus daus chirons improvisats — vielhas coças — risian de vos far paur ne’n gieitant una peirota per far un bruch « mesfia, i a un rat ». L’autre avertiment eriá « mesfiatz v’autres goiats, ‘natz vos cassar ‘na dent ! — Boi ! ». Degun semblava voler vertadierament vos blasmar de tròp de voler ne’n minjar ad aquela miei-sason que son las fins de las vacanças e los quauques jorns avant la rintrada.

Ela eriá ‘quí davalada, entau davant los pès, sens sa plejadura verda fanada, mens meschanta qu’un pelon°°°. Vos vos sonjatz prener la part de l’escuròu que trauquet la rua i a doas minutas e faguet japar lu chen, mas bon, ela es ‘quí davant vos pès, au mitan dau chamin.

‘Na vetz ‘massada, vos ‘gaitatz mai d’un còp que ‘la siguesse pas cussonada, que mai lu temps atz compres que ‘quel aubre fuguet jamai reputat balhar bonas fruchas.

Portada a la bocha, sarrada dintra las dents, un pauc, mai fòrt… « Boès ! » La còca de la nosilha eriá vida, o b’etot, plena de filassa.

Aura, ‘natz ‘ver un gòst de purit dins la bocha d’aici lu cafiron de las dietz oras.

°°° ai lu nom de l’envelopa dins un quasernet chas me, ma mair sauguet pas me iò tornar  balhar

2 commentaires Ajouter un commentaire

  1. aredius44 dit :

    La còca de la nosilha eriá vida, o b’etot, plena de filassa.

    Cette année, c’est fréquent !

    1. janpeire dit :

      Oui, mais cet arbre le fait exprès d’année en année.

Pòdetz far la linga de palha aquí :

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s

Ce site utilise Akismet pour réduire les indésirables. En savoir plus sur la façon dont les données de vos commentaires sont traitées.