La ròcha aus auseus – 368m63

La cima de la Charanta es nauta de 368m63. ‘Queu punt es conhat dins un òrlet administratiu a la bròa de la Viena-Nauta, dins los monts de Blom (>lm), e, d’asard, quitament darrier chas ma mair.

Per dire vrai, ‘queu dilun 16, ‘via paur que ‘quò plouguesse que los ciaus erián bruns.

Puei, legissí ‘quel afar de « cima de Nauta-Viena » — fase pertit de los que pensavan qu’eriá lu puèg Gerjant lu mai naut — dins lu jornau e aquí (>fr), e quò me balhat l’enveia de tornar montar a la cima de la Charanta.

Quante marchetetz doas oras dins una montanha, setz mai fins

La ròcha aus auseus

Dins lu filme « La bela verda », i a ‘quela citaci’ « Quante marchetetz doas oras dins una montanha, setz mai fins », adonc, tornar montar sus una ròcha, a la cima d’un grand tuquet o d’un puech se aimatz mielhs, quò pòt beleu vos far venir dos còps mai fins ; un pauc coma las piquras, setz totjorn pas dos còps mai fins apres, mas queraque pas doas vetz pus colhon.

Prunièras vudas

Ne’n 2019, per ma culhida de cliardas per los morts (>lm), eriá ‘nat una prumièra vetz a aquela cima, situada dins los contrafòrt dau Massiu Centrau :

Las cliardas per los mòrts

Lu long dau chamin

La carta — dins la linga — e las corbas

Briguelh

Qu’es una anciana plaça forta, situada sus ‘na poja. I aguet longtemp un chasteu per portejar l’endrech sens obludar que la vila ‘viá nonmàs doas pòrtas que son d’enquera aquí plantada.

Monteirolet

Monteirolet es un vilatge darrier Briguelh.

Qu’es se lu vertadier contrafòrt dau Massiu Centrau… mas per lu asard de l’istòria, qu’es Briguelh que fuguet fortifiada. Fau dire maitot que fau i montar a Monteirolet

Un pataclan de granit

O beleu un « chaòs granitic » per estre mai scientific.

Pòdetz veire que daus uns se ‘musan de far un pauc coma la natura.

Sus la captura de las corbas, i a ‘na penta de ~8%, ela se ‘chaba a l’Aigat un chamin que ne boira dins l’aiga :

.

Sent Crestòfa

Coma sei desjà ‘nat a l’Esterp (>lm), passe ‘questa vetz per St Crestòfa. Lu sòu chause de dire sus ‘quela paròfia qu’es que autravetz, son curat eria reputat per las femnas que povian pas aver d’eifant, per las jòunas filhas qu’avián perdut l’esperit o que cresian estre encharmenadas per daus meschaents diables…

Aurosadament, auei, i a daus crotzilhons #metoo #balhalunomdauteucurat per garrir lu monde.

Prenguí nonmàs una fotografia, un pauc avant lu vila, que lu bastit es vertadierament de la « Charanta-Lemosina ».

La rota dau Puech

Pas de fotografia, pas ‘na miraudia, i a nonmàs que ma sòr venguet far la finauda — ela anet jamai a la ròcha — mai sa bicicleta electrica e ‘la me parlet de la novela rota dau Puech.

E me, coma un colhon, vòle i rotlar per veire. Ne’n tres mots  « ‘Quò monta redde ».

Lu filmonet

2 commentaires Ajouter un commentaire

Pòdetz far la linga de palha aquí :

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s

Ce site utilise Akismet pour réduire les indésirables. En savoir plus sur la façon dont les données de vos commentaires sont traitées.