« Los que demòran » — Benoît COQUARD

Enquesta sociologica menada dins la region « Grand Est », au mitan dau monde que « demòran » a la campanha quante d’autres ven devenir daus vilauds, un enquesta facha au mitan d’un monde ente n’i a de mens en mens de tot : servicis publics, trabalh manufacturat o industriau, usinas, feiras…

Benoît COQUARD escriu sus la vita de tots los jorns d’una jounessa qu’eu conneis — ‘la es ‘la coma laquela eu frutget — e mai-que-tot sus las tropeladas liadas per la « bona reputaci’ » facha dins un grope.

L’interconeissença es assegurada

Dins las entrevudas menadas d’aquí-d’alai, sus un temps long, veisem de per los mots dau sociològue las tropas de far, se desfar, segond daus fius tirats desempuei l’eifança, lu trabalh, los cobles, los dimencs passats au pè-balon. Entau fasent, l’interconeissença es assegurada lu long d’un aperitiu, ‘na novela encontra.

La questa de la bona reputaci’ fai que per daus uns ‘quò es mai aisat de se descanilhar per se sentir « verja de noveu », per daus autres — mai que tot, las filhas —, daissar la tropa es un biais de poder tornar poder s’alenar. I a los que demòran, mas totparrier, i a los, e las, que van alhors : per l’escòla, perque son pas dau mesma mitan (de la mesma classa sociala).

L’enquesta desbutet ben en amont de l’afar daus « giletons jaunes » mas lu sociològue — bordieusian — publiquet la soá tèsa passadas las prumièras occupaci’s daus torna-saumas. Quau-que-siàia, i a de que comprener dins ‘queu libre un pauc de las cridadas d’auei contra lu « passe ».

Fòrt ben escrich, aquò se legís aisament.

9782348044472

Doas remarcas que seran tres :

  • — auriá aimat ne’n saber un pauc mai sus la « cultura locala e istorica » dau luòc chafrat « Grand Est ». Mesma se i a un afar sus lu fach de pardre son accent per obeïr aus còdes borges (de París) ;
  • — i a, de mon vejaire, pas pro de plaças fachas, ad un tesmonhatge per lu mens, d’un filh o filha tirada de las migraci’s tant europèenas que per delai la pita mar. I a — un italian e un dau magreb — mas son pas portadors d’un filtre tras-culturau ;
  • — qu’aguesse ben compres, los omossessuaus — envisibles dins lu canton perque jugan pas a pè-balon, van queraque jamai trabalhar dins una usina, buvan pas dins los aperitius — per eschapar a la virilitat empoisonada per eisemple, o beleu nonmàs « anar ben » son dins l’obligaci’ de prener lu chamin de las filhas (aquò es pas de prener d’un biais meschaënt).

Un libre coma un mitalh

Qu’es tardier per mon perron 😀 e vòle pas parlar aquí dau miralh tendut a mon paubre embonilh sus ma legitimitat°°°, ‘na vetz tornat au vilatge, lu temps daus congiers.

Coma ne’n parlí d’aqueu libre a mos nebots los pus jòunes, sens los virar a ma volontat, ne’n parlí ne’n mesma temps que l’eideia de segre un tragier fach quante n’autres, lur pair e me, eriam ne’n vacanças l’estiu.

Lu tragier, vei-lu-quí (un pauc chamjat de per daus trabaus sus la rota) :

Ò faguí au CM¹ per portar daus devers, un jorn que sabe pus perque, beucòp erián malautes dins la p’ita escòla (~25 escolans totau) dau vilatge (eriá fiar coma Artaban queu jorn sus ma bicicleta miei-corsa).

Zò torní far, sou, davant las meijons de « los e las que son demorats ». Qu’es entau !

°°° ela se troba :

  • — dins lu vargier de ma mair (devant los veisins, forçament) « Daissa l’erba, ton beu-frair vai passat dau « glifosat© » que se deviam escotar los ecologistes, ‘la nos minjaria ! ». /!\ L’afar es estat reglat ne’n 3 còps de bechon.
  • — dins la linga.

La linga dins « 200 »

Un pitit mot per dire que i a un brave article dins 200 – limerò 29 (>fr) sus la linha de separaci’ dau « breton » e dau « gallo », forçament, dins ‘na revuda de bicicleta, una linha seguida desempuei un guidon.

Un commentaire Ajouter un commentaire

Pòdetz far la linga de palha aquí :

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s

Ce site utilise Akismet pour réduire les indésirables. En savoir plus sur la façon dont les données de vos commentaires sont traitées.