Seconda picada, seconda vetz a las aigas bluïas

L’afar es entau virat : desempui que me faguí picar, ai mau a la testa, adonc, non pas se fiar a totas las saloperias chimicas que faudriá prener, res de mielhs que las receptas de dins lu temps, e, per jaspir a ‘na cultura millenaria, veiquí ma permenada a « las peiras & las aigas ».

Las peiras

Sei pas un passionat de chas passionat d’aquelas peiras fichas, mas, aime me predelar alentorn, e, quante n’i a una sus lu chamin, passe totjorn i vieisar, ‘na forma d’omenatge a l’umanitat que passet avant n’autres.

De segur, quante fau gieitar dau denaut ‘na vierja per far ploure, ò fase. Las tradicci’s son importantas dins la vita.

Lu darnier còp que passí per aquí, qu’eriá per anar far la velorucion de Tors (>òc). I aguet quauqu’un per me parlar de la taula dau Ver — dolmen du Ver — a Tavers, un endrech ente eriá ‘nat gaitar las aiguas bluïas e me far las chambas (>òc).

Me disí, que me’n dise de las chausas, « as modifiat BluaMarko per ostar la boita de roda Nexus7© e usar un simple pinhon, coma las becanas ne’n avian “dins lu temps”, te fau testar aura ».

L’eideia eriá de far una rota aisada sus 50km per se saber mai una sola vitessa. Una vitessa de bana coma un desvelopamaent pas daus pus nervòs — sei ‘na ronha suauda-suauda — 16 dents per darrier, 38 per lu plateu. Afè, faguí ‘na prumièra surtida vers « Germigny » que l’endrech es vertadierament bra’e :

Desempui, i aguet quò-quí de chamjat, quò-quí de reglat, e, me faliá far quauques kilometres de mai per estre assuausat completament. Perque pas anar vieisar quela taula de peiras.

Ai la carta, ai l’endrech… mas çò que degun m’avian dich, qu’es que las peiras son dins ‘na proprietat privada. Poguí res gaitar.

Dau còp, per ò vieisar, i a d’enquera la ficha chas Monumentum (>fr).

Las aigas

Rotlar per bicicleta a quò de ben, qu’es que ‘na vetz lancada, ela vos mena pertot.

BluaMarko — lu tipe dins li libreton d’esperanto se ‘pela Marko, e, ela es blu (lu « a » es la marca de l’adjectiu dins la linga esperantista) — es lu chafre per ma becana de « vila » per ~2000km per l’an, quante Jan-d’Auvernha, se, ma randonosa (>òc), fai +6500km, l’an.

Mas, a la seguida daus chamjaments, BluaMarko venguet BluaMarko16×38.

Dins la manga « Gesús e Budhā » (>òc) — v-òc-es, fau balhar las soás sorças 😀 — i a una scena que eisplica que coma lu Gesús sabia pas nadar e qu’eu avia un paur de l’aiga, quante eu se faguet batisar, St Jan fuguet acordant e li verset nonmàs un pitit pauc d’aiga sus la testa, sei pas segur que de la veracitat d’aquela mitologia.

Las peiras son pas estadas vudas, quò fai chaud mas l’aiga deu be d’enquera riular. Entau fasent, vei-me-quí pertit per las « aigas bluïas » de Tavers.

Coma l’ai desjà dich ne’n 2018 :

Vòle pas vos far la leiçon de geologia, adonc daisse un liam (>fr) :

Outre la très belle couleur bleue des eaux de cette source, la source de Tavers a une autre particularité. Comme pour les deux sources montrées la semaine dernière, les eaux ressortent du réseau karstique par un siphon. Mais le calcaire de Beauce est recouvert par des sables de Loire. À la sortie du calcaire, les eaux remontantes (sous pression) doivent encore traverser une certaine épaisseur de sable, sable que la pression et le courant brassent et remuent sans arrêt.

La font es totjorns aquí.

Prenguí un bròc per ne’n gieitar sus la bicicleta e ne’n aprofeití per me lavar de totas las chimistrarias d’aqueu vaccin…

non-grán, ne’n conte un pauc, quò fai un bra’e momint que sabe que « H2O e aiga » son doas realitats d’una mesma chausa. Surtissí ma botelha isolada — que Thermos© es ‘na marca comerciala — plena de tè matcha — un tè verd — e trinquí tot sòu a la santat dau monde.

Per m’entornar, prenguí lu pont de Beaugency, un dau mai long dau cuenh, e aní veire la qualitat de rotlatge de la departementala, la que me menara un jorn ne’n California, mas aquò será una autra istòria.

Un viatge es l’enchaison d’un filmonet :

Conclusi’

Las doas picadas passadas, espaçadas de 21 jorns, coma l’istòria dau poleton e de l’uòu, o de l’uòu e dau poleton, pòde dire que tot vai. Ai ‘gut un pauc mau au braç mas i a beleu « de l’air dau temps » e de las istòrias auvidas d’aquí d’alai. Lu ‘vendres eriá mau, mas, coma sei ‘nat me far picar dins un « parc per veitura » (>fr-becancaneries), fau beleu metre aquò sus la ventilaci’ dau luòc. Ne’n mai d’aquò, farai p’uns liams coma lu fach que poguesse pus botar de las estelas sus los cibercaiers que seguisse 😦

Sei pas paiat per dire que fau picar las gents, e pòde comprener los que cranhan que dins 1 an, dins 5 ans, i aura beleu de las malautias. Pòde ò comprener, e zò respecte, coma lu fach de trobar colhon de damandar un papieron per prener un càfe mas pas per prener lu metrò, o que la poliça siguessa pas picada.

Per contre, los e las que se permenan mai l’estela jauna, aquò passa pas, pas mai per quauques uns aquí que se permenan mai daus simbòus nazis o b’etot reialistas.



Sabe pas se ‘queu film se trobet jà pausat aquí :

Aura, qu’es fach.

Un commentaire Ajouter un commentaire

Pòdetz far la linga de palha aquí :

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s

Ce site utilise Akismet pour réduire les indésirables. En savoir plus sur la façon dont les données de vos commentaires sont traitées.