30 jorns per bicicleta

Que v’autres siatz de segre mon ciber-cahier « becana » e setz pas sens saber que lu descompte de l’operacion « KGB Orléans – Mai 2021 » es lançat ; pòde dire maitot que coma sem un còp de mai confinhats — qu’es pas un peisson d’abriu ‘questa vetz — vau trabalhar maitot sus l’operaci’ CIA.

Dins los comentaris, 1 daus 3 blogidors de la ciutat de la Jana me parlet daus « 30 Days of Biking ».

Vei-ne’n-quí ‘na forma de virada per persentar l’afar… e dire que vau ò far a ma mòda.

« A Community of Joyful Cyclists »

‘Na comunautat de ciclistes uròs.

« L’afar desbutet per un crotzilhon e un messatgon » contet Jim Walsh dins un bilhet dau MinnPost (>en) de 2015. Quauqu’un fasiá assaber l’operaci’ « una mesada de yoga » e, Patrick Stephenson respondet còp-sec, sens ò pensar, que per se, aquò será « ‘na mesada de bicicleta ».

Veiquí un bocin de l’istòria :

La prumièra annada, 300 personas respondeten a la cridada e s’obligeten de surtir la bicicleta tots los jorns dau mes d’abriu. N’i a mesma 50 per aver fach una surtida colectiva. Lu movament eriá eissit.

Dins la perdida Desboiradís de Questions (>en) los organisateurs desboijan entau lu bleston sus la chausida dau mes d’abriu :

Chas nos, au Minnesota, ente tot aquò desbutet, lu mes d’abriu se troba au junhent de totas las sasons. Podem aver de la neu, de la plueia, un beu solelh, e mesma tot quò-quí de la mesma vetz ! Abriu, qu’es de tot biais los darniers freds de l’ivern, lu plaser de l’estiu e la desbuta de la prima.

Pensam que « que v’autres poguessetz pedalar tota la mesada d’abriu, tots los jorns, podetz pedalar tota l’annada. I aurá res per vos ‘restar. »

Per se balhar de l’eime, un filmonet sos lu soleh dau Minnesota (30 Days of BikingMaria Bartholdi chas Vimeo) :

Dès la seconda edici’ i avia daus francès per ne’n estre :

5 annadas de mai e dau monde dins 100 país ò fasián. Entau fasent, es pas gaire una suspresa de trobar per 2020 une adaptaci’ dau logò — inspirat de la chifra 30 dins la numeraci’ romana — dau costat de Brest… ne’n Bielorussia :

Per los, o las, que poden pas far sens comptar o recordar coma de las aplicacions, Strava per eisemple, fau saber que i a daus grops.

Mas, per lu plaser de mamaisar, lu Desboiradís de Questions ò ditz : ‘quò n’es pas ‘na competicion. N’i a pas de distança minimala de far. Aquò se pòt que per un jorn, i a mestier de laschar l’afar. Per iò dire tot emb-d’una, seriá un meschaënt publicitari, diriá que perticipar aus 30 Jorns de Bicicleta, aquò es « 0 contrenta e 100 % de plaser ».

De la simplicitat

Quante li fuguet damandat « perque fasetz de la becana ? », Stephenson respondet (2013) :

Perque fin-finalament, i tornem totjorn, maugras tota l’agitacion, los reseus sociaus e lu militantisme passionat… Atz mestier de vos desplaçar, atz besonh de vos despenssar, prenetz la vòstra bicicleta. Setz dins vòstre mitan — beleu mai aisat de junher que fau pas paiar lu parcatge o lu carburant — sieitar sus un bocin de fer, d’alu o de carbone. Quau que siàia lu materiau, setz benaise, qu’es aisat de far, e aquò fai dau ben.

Passat un an, ne’n 2014, eu disiá maitot :

N’autres nos volem pas saber se los, o las, que fan lu 30 Days of Biking son malassuasats d’aver LA bona bicicleta o b’etot son manhats que lu licra lurs faguesse pas un bau cuòu. Volem solament que las gents surtessen e anessen dins lur canton per pedalar. Lu nòstre objectiu es tant de gietar la veitura e dire que tot pòt estre fach nonmàs coma una becana. Desirem solament que tornatz trobar l’eime de far lu torn de la meijonada quante la bicicleta eriá la sola aisida per vos portar. Desirem que tornatz vos ‘pelar la libertat balhada per una bicicleta, lu bonhur, l’independança. ‘Questas chausas son pas dins lu passat e s’esvanusen pas coma lu temps. Elas son torjorn aquí, e, elas vos menarán a ‘na vita pus santosa.

Vei-nos-quí ‘ribats

Ujan, ò fase.

8560d2e33ba6545a

Sens ò voler, una fotografia de ma becana lu long de l’aerotren se retrobet chas l’auseu blu, chas los organisators internacionaus :

85d430837feac01a

Adonc, deve ò far.

Auei, eriá au mitan daus cocuts :

4a54d6ac18bd9924

Dise pas que vau far un bilhet tots los sers coma per lu NaHaiWriMo, mas, una vetz o doas la setmana, perque non.

30jorns

4 commentaires

  1. Pour moi c’est tous les jours quand je suis à Nantes. Merci de nous avoir raconté cette histoire.

    1. C’est également mon quotidien, mais certaines personnes ont besoin d’un coup d pouce, et, utiliser le miroir « égotique » des réseaux mal-dit-sociaux permet d’attraper quelques alouettes vélocipédiques, l’idéal est qu’elles ne renoncent pas à la première pluie, etc.
      C’est le pourquoi de ces petits défis.

      les cyclistes plus aguerris savent comment vaincre le vent, la neige, la pluie :
      https://jeanneavelo.fr/2021/03/31/pedaler-sous-la-pluie-a-rotterdam/

      Et ils sortent au quotidien.
      😉

      JPB

Les commentaires sont fermés.