Jos los auspicís dau diu Ermès

Francofones, pardon, phrancophones, enfin, vous qui savez lire cet idiome, une traduction arrive dès que les loups sont lâchés et les moutons rentrés est disponible dans ce lien (>fr).

‘Na p’ita carta postala per bargassar dau chamin de las vacanças. Per far passar la becana dau domení de la linga d’oïl au domení d’òc prenguí :

‘Questa vetz, coma desirava far l’inspector daus trabaus ‘chabats — afe, far coma de costuma, qu’es de dire « criticar » — de las famosas coronapistas dins Lemòtges, prenguí un chamin au nòrd de l’anciana RN141.

Los trens

Res de dire per ‘na vetz, ‘ní directament a la machina per prener un tiquet TER, nonmàs dau TER. Entau fasent, v’autres vos sabetz perservators de las p’itas linhas de tren, d’autant mai que coma i a mens de monde, i a mens de dangier e la bicicleta voiatja per res… breu, per quauquas 30 minutas de mai, qu’es dau bonur.

Lemòtges

Veiquí la carta daus dietz prumiers kilometres… dins la ciuatat porcelanièra :

E lu traçat de las nautors :

La vila eriá ‘pelada au temps daus Romans « la ciuatat de la 7 auturas », m’es ‘vís que qu’es pas per res.

Mesfiatz : ‘queu bilhet est per montrar, eisplicar, dire de las chausas sus las coronapistas dins Lemòtges. ‘Quò es pas ‘na leiçon sus ‘na mòda « fau quò-quí, fau ‘quò-laï ».

Benedictins → comuna

Prumieras diapositivas que montran que de la gara — estacion daus Benedictins — a la meraria, i a pauc. Quauques pictogrames pinturats sus la rota, una banda maularja, puis res, puis… breu, un pauc coma pertot :

Pont de la Revoluci’ → pont de la veloruci’

Anar

De la meraria, passe lu long de la Biblioteca Francòfona (>fr) per junher lu pont de la Revoluci’ e poder traucar la Vinhana e montar au giratorí G. Pompidou :

Vesem sus las fotografias que i a pauc de fach — lu minimum sindicau — mas, aquò marcha, afe aquò pedala coma per ‘quela tipessa :

‘Na montada de +10% (donada presa sus un bocin de la traça dau GPS), ~13 km/h (sei apres la despassar a 15km/h e moline beucòp perque vole pas me besilhar las jambas dins los prumiers km). Ela es sens assistança electrica. Dise solament « BRAVO ».

Tornar

Lu mesma chamin, mas i a ‘na minuta « trolleybus » de gaitar, per veire que mesma sens fuòcs, quante lu monde respecta lu monde, i a mestier de mens de reglas :

Plaça d’Aine → plaça Winston Churchill

Res es estat fach, o b’etot fòrt pauc :

Me songe que dins la montada, lu rai usat per l’estacionament seriá mielhs usat d’estre servat per la bicicleta. Plaça d’Aine, quauquas traça de pintura que fant que d’aicí la plaça Churchill, i a « coma ‘na linha » mas se l’eideia es ‘quí, la realisaci’ es pas de las melhoras.

Escòla de la ceramica

Faudriá tornar pinturar las linhas jaunas, mas, deve dire que sei estat surpres de veire que lu monde respectant l’esquipament.

Emai i aguesse ‘n’escòla, la comuna ostet l’estacionament per far un bocin de pista, coma l’esper que lu monde seguesse apres lu colidor daus bus, d’aicí la « cintura » periferica.

Per ne’n ‘chabar

Sei estat surpres… agradivament. De segur, qu’es pas pro e, coma un pauc pertot, Lemòtges manca d’un raseu. Comprene que qu’es malaisat, mas, coma la Covid19, i a un fesnestron de dubert per far.

Los pictogrames pinturats un pauc pertot son pas un esquipament. Faudriá menar un’ enquesta per saber se i a dau monde per « segre las linhas », e, per cas que las responsas siguessen positivas, ne’n far un quauquares (banda, chamin…).

Las bandas pinturadas son de tornar far, mai larjas, beleu las protejar per de las balisas.

Las coronapistas son de tornar pinturar, e fau las protejar. L’eideia de far prener los colidors a las bicicletas es bona, mas aquò fai pas tot.

‘Tenci’, de la pintura sus la rota es pas un esquipament, mas, aquò pòt aidar per ne’n far un ‘na vetz lu plei prengut, mai-que-tot dins l’estudí d’un raseu.

Segre la Glana

Ad un momint, fau daissar Lemòtges per junher Sent Junian, qu’es entau, e ‘questa vetz, desirava segra la Glana, ‘na p’ita ribiera que vai se gietar dins la Vinhana… a Sent Junian, çò que tomba ben.

La carta :

E lu desnivelat :

La Glana tròba sa font dins los monts d’Embasac. Coma los trauquí ne’n tren, ‘nava pas tornar montar per davalar.

Vairac — Veyrac (fr)

La prumièra curiositat sus la rota eriá lu pont colombier, beleu « pont pijonier » dins la linga.

La bastissa data dau XVII segle, ela eriá atachada au chasteu de Vairac. Sembla que qu’es lu sòu de França de per son estructura.

Orador de Glana — Oradour sur Glana (fr)

I a un documentari dau Michel Follin e dau Marc Wilmart, de trobar aquí (>fr) e de bon gaitar

Diu-li-dòu

Aquí, i a una eisperiança de menada : la rota es pinturada sus los costats, i a p’una traça au mitan. La vitessa es limitada a 70Km/h.

Sabe grán de que ne’n pensar. Beleu pas ‘na meravelha, mas sus un passatge cort, perque non ?

La vergonha (riu)

Fau passar la Vergonha, ‘na bona vetz per totas :

‘Queu riu se gieta dins la Glana.

Las Caus Las còuts

Veiquí, sei un bicicliquinoïste (>fr-becancaneries), e vòle tornar dins las chaumas. Me songe que lu nom ven d’una terra netiada de vegetaus e cultivada (MaJ fin març 2021).

Lu pont Sta Elisabeta

Segre lu chamin vers Sent Junian se passa ben ; ‘quò fai bon, la bicicleta rotla, sei dins un monde conegut. I aguet mas un camion per me despassar d’un pauc tròp-tròp pres.

Traucar la Glana ‘na darniera vetz, au pont Senta Elisabeta :

I a d’enquera ‘na tarrrrrrrribla montada (>fr-becancaneries), puei ‘na seconda, tant coma daus tuquets, e sei meijon.

Filme

/!\ i a ‘na fauta dins lu titre « …lu long de la Glana ». Ne’n mai d’aquò boire las « coronapistas » e los « coronacolidors ».

😀

2 commentaires

  1. Merci ! Bien ces profils de routes. J’ai découvert en arrivant à Nantes, qu’en Loire-Inférieure on pouvait avoir bien des côtes. Beaucoup de rivières qui vont se jeter dans la Loire. Et j’habite à côté de la rue Camille Desmoulins… à côté d’un ancien moulin, à vent. La municipalité a fait de l’humour. Il faut un temps où c’était la rue des moulins (il y en avait deux)

Pòdetz far la linga de palha aquí :

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s

Ce site utilise Akismet pour réduire les indésirables. En savoir plus sur la façon dont les données de vos commentaires sont traitées.