Dins ‘na setmana : NaHaiWriMo

Dins ‘na setmana, qu’es « haiku » ‘na mesada de temps, emai siguesse mai per usar dau mòt « micropoësia » que mai d’una vetz, las reglas per farjar dau haiku son pauc respectadas, afe.

L’ors apres dançar

Costat haiku dau monde francofòne, lu limerò 5 de « l’ors apres dançar » es de bon trobar sus la tiala, aquí dins ‘queu liam (>fr).

‘Questa vetz, i a un second limerò, un limerò 5b especiau per parlar dau Marcel PELTIER e de la soá poësia minimalista.

Biciclësia

Me sei decidat de far daus micropoëmas liberats de la tematica daus Francés, aquò los jorns de la setmana ; me sei prometut de taschar farjar per lu mens un jorn de la « biciclësia », aquò sus ‘n’eideia de Jana-sus-‘na-becana (>fr) que me’n parlet, mai que mai daus toites marcats dau crosilhon #bikehaiku e dau compte « Bike_Haiku », per eisemple :

Sei pas chas l’auseu blu, mas pòde far un esfòrç.

Eimatge de la biciclësia

Veiquí l’eimatgeon farjat per l’enchaisson :

« Véloësie » la virada

Per pas qu’ilhs me petan la margoleta, me fau virar tota ma producci’ per los francofònes d’aquí e la botar sos ‘queu logo :

Que degun me faguesse ‘na ‘nalisa de la semiologia daus logos, marce 😀

Trobador – Trobairitz

Veiquí la lista daus mòts per farjar la micropoësia de la dimenjada, sus la tematica daus trobadors :

  • Dissabde 6 : Amor
  • Dimenc 7 : Jòc
  • Dissabde 13 : Senhal
  • Dimenc 14 : Trobar
  • Dissabde 20 : Auseu (per pas dire « lauzeta » 🙂 )
  • Dimenc 21 : Planh
  • Dissabde 27 : Auba
  • Dimenc 28 : Cort (la cort d’Alienòr pe eisemple)

Per delai ‘queu ciber-caier

Qu’es un secret per degun que sei sus un reseu liure — per pauc que ‘queu mòt ‘guesse un sens dins lu monde informatique — e descentralisat.

Per mon perron, i fase de la propaganda per la bicicleta, de segur, per quauques punts de vuda d’aquí-d’alai, per « Meitat chen meitat pòrc » per eisemple, o « En Ondas » los diluns… breu, un reseu que disen « sociau ».

Aquò per dire que los, e las, de Catalonha i son, per militar d’un costat, e per d’aucuns, per los « haiku », mai d’una vetz crosilhonats entau : #SócAprenent #HaikuCAT

Saber gràn se i a un chause entau parrier per lu monde d’Occitania chas l’auseu blu o chas lu privator de las vòstras donnadas, que l’eideia me sembla bela, pas la privaci’, los crosilhons.

Per delai la micropoësia

I a ‘questa fòrma un pauc estranh, « l’eisagonala » qu’aviá trobada sus la tiala italiana. Non pas virar mon eslampiada d’aqueu mandin, eslampiada sens la piada, que sei sus ‘na bicicleta : la chauçada eriá gialada e gibrada mas ‘na becana d’Auvernha porta totjorn lu que la monta.

Afe, torní prener ‘na fotografia d’un bocin dau chamin e fargí l’eisagonala — (2)-3-4-5-6-5-4-3-(2) — que veiquí :

Mandin

La nevia
Davalet, suau
Lu long dau chamin,
Manteu freule e blanc.
Lu jorn zò cuet !
Aura Luna
‘Chaba tot

Au ser.

‘Na vetz lu NaHaiWriMo (>en) ‘chabat, vau beleu i tornar, per chamjar de las faulas (>fr-becancaneries)

Un commentaire

Les commentaires sont fermés.