Faus gralhons – recepta dau veganistan

Las festas de fin d’annadas son ben tòst ‘ribadas e, dins las 6 personas que v’autres vos setz autorisat de convidar, i a un minja-raiças — possen coma la tranuja sus ‘na chamba de buech — e sabetz que far, qu’atz d’enquera daus chambons salats o ‘n’autra sarguinaria facha meijon (mai d’aquelas receptas vielhas que tenetz de familha).

Migretz pas per ‘quò que veiquí la recepta, aisada de far, daus « faus gralhons ».

Per ‘na topina de faus gralhons

  • 200g de lentilhas verdas ;
  • 80g de notz ;
  • 1 inhon (gròs) ;
  • de l’òli (oliva, autre) ;
  • 2 culhièras (sopa) de sauça soja (prene de la sucrada, mas la « normala » fai l’afar) ;
  • 2 culhièras de vinagre ;
  • Sau, pebre e, segond los vòstres gosts, piment, paprika, champanhòus secs esbocinats***.

Perparaci’

Far cueire las lentilhas (segond l’espeça, qu’es fach ne’n 25mn), de pas obludar que i a de las lentilhas dins de las boitias, per daus un⋅a⋅s, qu’es mai aisat de jugar lu còp la prumiera vetz entau. ‘Na vetz las lentilhas cuechas, las far s’esgotar.

Tenusir l’inhon finament, sos la fòrma de lienses (fau pensar que ‘quò vai balhar de l’espessor), puei, lu metre dins ‘na padela chauda coma de l’òli, lu vinagre mai las notz (sens los cacaus de segur) d’aici ente aver ‘na colorisaci’ d’aur.

Metre tot aquò din un bòle, ajostar la sau, lu pebre, la sauça soja e espotir coma lu molin a braç (v’autres setz beleu mai modernes que me e atz beleu un « mixer » electrique). Fau restar de molinar quante lu boiradís sembla ‘na cresma mai daus gruns, pas ‘na « mosselina ». Per cas que ‘quò siguesse sec de tròp, apondre un pauc d’aiga o un pauc de sauça.

De bon minjar

Aura, qu’es bo per estre metut dins ‘na topina o dins las ‘sietas. Aquò pòt estre minjat chaud (quante las lentilhas venen d’estre cuechas) o b’etot fred.

Las espiças (paprika, piment…champanhòus**) son d’apondre dins las ‘sietas.

Per minjar los faus gralhons, podetz ò far coma daus cornichons o tartinat sus dau pan… coma ò farietz daus vertadiers gralhons, sauv que ‘quí, qu’es dau minjar « vegan ».

***Propaganda

La desconfinhada ‘chabada, per me far un pauc de moneda, ai vendut mon arma au diable de la consomaci’, adonc, veiquí ‘na pagineta de propaganda :

Lu molin de champanhòus secs es ‘na trobalha de la fin de la confinhada. Aquò costa un pauc, mas, qu’es un plaser de molinar los champanhòus sus ‘na sopa, ‘na cresma salada.

4 commentaires

    1. Aquò marcha maitot tant coma de las mongetas que de las favas. De segur, aquò fai plus pensar aus gralhons, mas ‘quò es fòrt bon.

    1. Il y de bons livres de recette uniquement végé. Cependant, le plus simple est de trouver le moyen de subtiliser les ingredients. Mon livre préféré est « je sais cuisiner » de Ginette Mathiot ; elle est très loin de porter les végé dans son cœur, mais remplacer la graisse de canard par de l’huile ou de la margarine marche. Il faut essayer avant d’inviter la belle-mère (pour ceux qui en ont une).

Les commentaires sont fermés.