Amor de luenh – 5

Totjorn lu nas pres e lu cerveu dessus-dessos — mai-me-tot, auriá pausat la becana ier — veiquí lu jorn 5 dau NaNoWriMo. I a pauc de mòts, beleu beucòp de fautas, mas pòde pas far mielhs per aura.
Ne’n mai d’aquò, lu biais d’escriur de la Anne Marie Garat, e ben pitits, i a beleu mai aisat !  Mas, aime ‘quò.

Amor de luenh – 5

Adonc, veses-tu aura, d’avau, a drecha, dins ‘queu cuenh, un aubre, un olivier ? E sos l’aubre, ‘na femna, ela es nuda, sa talha es petita, fòrt granda per comparaison a l’aubre, a la vila, qu’es que lu pintre vouguet que ‘la siguesse pròpche de n’autres. ‘La es sietada, pas tròp luenh i a sa rauba, roja, e ‘la tòrç sos piaus que ’la suert dau banh, la songe rossela, fòrta. Sa talha ronda se baissa au niveu de las anchas, ‘la clina la testa, coma alassada per un amor, los uelhs barrats, envasida de raibe, e son raibe, se tot sou, ò fai ‘trapar a l’espací, acorda lu monde, apaja la mar tant coma la vila. Qu’es l’ora chauda de la siesta, chaumassa, temps sople dins l’esper. ‘Questa femna es estranhament pintrada, res de veire coma lu pinceu que penhet la ciutat, diriem un dessenh dau Clouet, o b’etot dau Renoir, beleu ‘na de las femnas dau Ingres, au banh. Ela a res de far aquí, lu tableu es un paisatge, ela s’i desplacet, de boirar los genres, quau-que-siàia ‘la i es, tant coma un eimatge de pas creire d’un raibe vengut d’alhors, d’una volontat remolhada qu’agrejariá dau sable, coma neissen las parici’s, las nivols, e se porgieta dins nos còrs lu besunh d’absolut. Qu’es un amor de luenh, la chifra de la barca es son annonciaci’. Dins quela linga son dich los misterís, sus quela cartografia las nòstras sensaci’s, las nòstras dolors, los nòstras pensadas viatjosas ? ‘Ten-te !
Fai ben dau temps d’aquò, per las Pascas. Eriá tornada a la campanha per revisar mos examens, chas mon grand. Eriá de far de las estudas de propedeutique, a Bordeu, m’enseinhavan la cartografia. Dins un dau trabalh, deviám estudiar una carta dau cuenh, aura ela es conhada dins ma memòria, dins un Sud-Òest imaginarí, i lotge ‘queu triangle de Gironda que dessenhava de verd e de blu, las traças fachac per l’IGN. I aprenaniá doncque, ‘quela annada, los sinhes, los codis, las corbas de niveu, las apchaduras, los puntilhats coma fau quilhs sián… Longtemps ai gardada ‘quela carta dins mos afars, espinglada au mur, puei rotlada dins ‘na tireta, ‘la deu etre en quauques endrechs, aquí o alai, me fau la tornar trobar, dès deman. Me pensava ‘ver sos los uelhs un biais d’estre de mas terras d’enfança, las Calinotas, daus noms daus vilatges vesins, daus luòcs dichs, proprietats e vinhas, e puei, sauguí leu-leu que los que fan las cartas, los geometres, los arpentors, los fotographes desempuei los ciaus, reden gaire de sciença segur lu biais d’aprener que l’om a dau monde dins la p’ita enfança. Qu’es mai que tot dins la marcha, a la nautor de l’òme, que se farja e s’escrís per de bon lu paisatge daus nòstres sabers. Las nòstras cartas, las dau dedins, son d’una autra topologia, geologia que scientifica. Lu fluví porta pas lu blu de las cartas, eu es brun, clafit de limons, luminos, bassat de brimas, e las islas au luenh an la franja daus roseus gris.

Pòdetz far la linga de palha aquí :

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google

Vous commentez à l'aide de votre compte Google. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s

Ce site utilise Akismet pour réduire les indésirables. En savoir plus sur la façon dont les données de vos commentaires sont traitées.