Qu’es aüei, lu 15 de mai, lu jorn dau despassament per la França, per l’Union Europèena tota, qu’eriá lu 10.

De segur, vòle pas m’ostar lu meu bocin de responsabilitat dins ‘quel afar. Sem dins la pertida dau monde a la vetz la mai richa e, de la mesma vetz la que despend lu mai dau restant. Sens los nòstres 4 a 6 esclaus energetiques, sem ren, o quitament pus res.

Sei pas fiar de iò dire entau.

Far la sóa part

Las responsabilitats van per tres :

– la personala, la sus laquala chascun⋅a pòt, e deu jugar, per comptar, e far baissar, son compte dins la poluci’ globala ;

– la dau grop (familha, comunautat, canton…), la per laquala deven estre servats los esquipaments colectius, servats, o farjats. Aquò deu estre ‘na perocupaci’ generala de laissar ‘na p’ita pertida de son individualitat per sauvar lu grop ;

– la politica. I a pas mestier d’i eschapar. O n’autres ven subir los manques apres ‘ribar, probablament sos lu jug d’un « poder fòrt » (per pas dire faissiste), o b’estot, perque an d’enquera queraque 10 ans davant nautres, fasem la chausida de ‘restar e de chamjar, qu’es de dire « ‘na piada de costat ».

Tant iò dire, que quò siguesse dins l’Euròpa o sus la Terra Granda, i dau monde que van dever far mai d’esfòrç que d’autres. Son pas los mens aisats que prenen 10 còps l’annada l’avion, qu’an dos 4×4, daus escrans dins totas las chambras de la meijon…

Vòle pas passar per balhar ‘quí lu programe d’una descreissança desirabla, mas… son las pensadas que me vengetem a l’esperit quante faguí lu chamin de « bicitrabalh » ‘queu mandin.

Mai que tot que aüei, sabiá que passava lu cap dau 3000km mai Jan d’Auvernha (>lm).

Res de mai que çò que se fai de costuma per lu, o la, que son trabalh se troba a mai de 10km de chas se. I a màs, que apres ‘ver passat beucòp de temps per preparar lu PDU (>fr-mon caier becana), pòde totjorn pas de desfar de la testa d’una tipessa quante mai d’un cicliste balhet son quilometratge per l’an. Ela badava ad en tirar una tant lonja coma ò sera Leira sens aiga quel estiu.

Adonc, 3000km mai Jan d’Auvernha aüei, l’enchaison per me de persentar BluaMarko — qu’es de l’esperanto — que ven de ‘chabar sos prumiers 500 km, se.

‘Na becana novanciana

Ò sabe, novanciana eissista pas coma mòt, e pertant.

I a que, mesma quante faguí mon prumier 200 (>lm), mesma l’estiu per me permenar dins Lemòtge  o dins St Junian (>lm), lu cadre dau T100 (>fr) eriá felat. Belament felat, coma me montat dessus, aquò fasia dos felats de bana.

Per bicicletar 25 km per jorn, res de greu. I a mai qu’aime me permenar mai ‘na becana, veiquí perque ‘chaptí lu Jan.

La gent chas Cyclable (>fr) erián per me chamjar lu cadre maugrat los mai de 30000 km ne’n 5 ans, que la garantia eriá d’enquera bona. Mas, en defòra dau cadre, i a la roda de plejada, afe, velada, i a quò-d’aquí, quò-d’alai, adonc damandí se qu’eriá possible de ne’n pas tornar far una randonosa, mas una bicicleta vilauda.

Per aquò, i a un cadre nuòu, la forcha e la roda de davant mai la dinamò. Per la roda de darrier, ‘chaptí una roda mai un pinhon integrat, un pinhon esquipat d’un fren que marcha quante pedalam davant-darrier. Ai dostat lu pòrta-bagatge, chamjat los garda-gaulhas…

A la desbuta, toschar la besta es pas esta aisat, mas aura, ‘quò vai. I a que de ben sonjar a pedalar ne’n arrier per se ‘restar.

Son dos modeles de chas VSF-Fahrradmanufaktur (>fr), lu fabricant dau T100, que me balkheten lu gòst.

  • « Simplicity » mai sas 8 vitessas, son retrò-pedalatge, sa pareissança « espurada ».

  • « Journal », un pauc parrier per la technica, mas ‘na pareissança « coma avant »

Las doas becanas son de trobar dins ‘queu liam (>de)

E veiquí la bestiòla apres jugar lu long dau ralh dau tren aerian.

I a d’enquera un pauc de trabalh, mas, coma ma becana es pas per estre pausada dins un cuenh, aura, quante Jan fai los 600 km de bicitrabalh la mesada, BluaMarko, maugrat son costat « borgès », fai quitament un 100 de quilomètre per mes.

Publicités

Pòdetz far la linga de palha aquí :

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google

Vous commentez à l'aide de votre compte Google. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s

Ce site utilise Akismet pour réduire les indésirables. En savoir plus sur la façon dont les données de vos commentaires sont traitées.