Desculturacion daus jorns d’aüei

Sabetz que desempui quauques temps ai virat vielh cobilh, tot chiassiós, que la frasa la mai aimada es « avant i aviá pas tot aquò e ‘quò fasia be ! Rapela-te. »  🙂

Adonc, Jan-la-Ronha vai vos parlar de la desculturacion d’un païs, afe, non, i a que de legir lu Popularí (>fr). Lu jornau fai coma se Lemòtge eriá pas dins la pertida « gasteu daus reis » o « corona daus reis » de la galaxia. Afe, qu’es entau aus jorns d’aüei, degun fai pus ‘tenci’ a res.

Coma aime lu sucrat, aprenguí autravetz a far la pasta, que quò pòt estre la mesma que per la cornuda (>lm).

Mas, aqueu dissabde, non pas ‘chaptar d’enquera ‘na paubra galeta, ‘queu dissabde, per fur los desbats dins l’estile :
— Aime mielhs la galeta secha !
— Non, ‘na galeta qu’es a la frangipana !
— Mas, i a de la compota de poma dedins !
me songe que v’autres atz las mesma coneissanças. Adonc, aviá dins l’eideia de far ‘na corona mai de la pasta per la cornuda.

Mas, mas, mas, per lu plaser de mamesar, mas, dins la tropelada daus esperantistes, i a una sens lach, un sens gluten per de las rasons de malaudia, una sens uòus… adonc fau far ‘na galeta per daus veganians sens gluten.

Coma ò disiá la p’ita France-Gall

Vei-me-quí apres anar chas lu pitit-merchat dau cuenh per ne pas trobar de perparaci’s de pasta briochada, mon depanor es barrat s’etot, adonc, vau chas « Arpiand & biò » (ne balharai pas lu vertadier nom d’aquela saloperia) per ‘chaptar ‘na perparaci’ que jamai la trobí. Coma l’autra charchava un quauquares que beleu sautet jamai pus luenh que mon esperit.

Finalament, dins lu raijon « gluten-free »de la botica, trobí una farina per preparar dau pan de mija.

Un pauc de « food porn »

Un pauc de « food porn » coma disen los anglès e los francès.

1/ Boirí la perparaci’ mai jus de riz, de la levadura, ‘na pincada de sau, ‘na culhera d’òli.
2/ Fau pastonar un momint per balhar de l’aër a la pasta e avant de la far levar ‘n’ora de temps.
3/ L’ora passada, fau enfornar quauquas 60mn, forn ~150°C.

E doas fotografias per iò montrar :

 

‘Nava obludar de parlar dau mòtle, un per los « kouglof, kougelhof, kugelhof, kugelopf, kougelhopf, kugelhopf o kouglouf » faguet l’afar.

Publicités