Filmes per l’estiu – Saussiça de bana

Dins l’immòble ente sei lojat, reussiguetem de far la nòstra « serada daus vesins vesinas ». Per dire verai quò fai ‘n’annada que regularament fesem lu jornau, ma coma ‘na veisina. A la desbuta, quò se parlava « becana », puei « borriers » que ‘la trabalha dins ‘queu domení, puei, veiquí pas que a la prima, ‘la descubret que fasiá de las porjecci’s chas me. De las porjecci’s de filmes, ‘netz pas sonjar a de las chausas.
E, ‘na vetz tornada de la Quirguizia — Kyrgyzstan, Кыргызстан & Kyrgyz Respublikasy — Кыргыз Республикасы — mai son amic, vei-nos-quí apres parlar dins la cort de la peirada, e dau gris d’aquela peirada maugrat ma jardinièra de basilic. Disí qu’aimariá be i far ‘na porjecci’ fna nuech d’estiu, entau, mas per lu monde de l’immòble, emai siguessem que 6 boitias a letra.
« V-òc-es, as rason ! ‘Vendres entrant ?
— Òc, brancha l’ordinator, lu projector, taparem dins mos filmes e verem be.
— Vau iò dire aus vesins, a la vesina. Verem be. »

De segur, qu’es lu temps de las vacanças e fuguetem que nos 3, mas, l’eideia nos ‘trapet e tornarem ò far a la rintrada de setembre.
De filme, ne’n visetem pas, faguetem ‘na serada diapositivas sus lu païs Quirguiz, sas planas, sas iórtas, sas montanhas, apres ‘ver fach lu jornau.

Dins la lista daus filmes, i aviá los que vau ne’n parlar un pauc aquí, lu temps de l’estiu.

« Sausage party — saussiça de bana »

L’istòria es la daus produchs de subremerchat que se pensan poder estre chausits per los diaus « consomators » e entau fasent, arribar dins lu per-delai. Demest los produchs, i a las vedetas sos la fòrma d’una saussiça que sonja un jorn poder bicar ‘na briocha. Un « baguel » jusieu, ‘na « pita » musulmana, una « taco » lesbiana e ‘na peira de lavament van estre dins lu juòc per entau dire.
Mas ‘queu monde qu’espera la « vertat » vai estre desboirat per la mauchaënça d’un topinot de motarda.

Sabe pas se v’autres atz auvits parlar de l’escandau dau filme, me songe que quò es pas tant per la sauça alamanda qu’aima pas los « jus », o los problemes de l’Orient-mejan… non, quitament pas per la pertida de chambas a la fin dau filme, non, me songa que lu filme es prò fin, per los integristes religiós, sur lu fach de l’invenci’ daus diaus per ‘catar la vertat.
E pòde pas ne’n dire mai per pas publibesilhar la chausa.

De segur qu’es pas totjorn fin, mas qu’es de veire e tornar veire perque darrier la vulgaritat, de las chausas son dichas sus nòstre monde, lu nòstre biais de viure, la societa merchanda.

Publicités

Pòdetz far la linga de palha aquí :

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s