‘Na fin de setmana de l’Afganistan d’aici lu Japon

Tot aquò lu cuòu sieitat dins fautuelh.

E d’alhors ‘nam pertir de Birmingham ente doas goiatas son per passar los darniers jorns de « filhas » que lurs pairs van las menar se maridar au païs. Lu professor que faguet la leiçon sur la pervencion contre los maridatges forçats diguet que ‘na p’ita culhera pouviá estre prò sufisanta per chamjar las chausas.

Vòle pas publigaschar la fin per cas que v’autres comptatz veire aqueu filme-cort, fòrt ben jugar per las goiatas tant coma la mair.

Sonita un filme iranian

Sonita es una goiata que ven d’Afganistan, refugiada dins l’Iran veisin per eschivar un maridatge, ‘la se tròba dins un centre per refugiats. Ela viu chas sa sor, e au centre pren daus cors, encontra d’autras filhas e apren mesma la musica. Aquò tombe be perque Sonita vòu far la chantosa de « rap ».
Far la chantosa dins un païs que ne’n setz pas, que las femnas an pas lu drech de chantar, aquò vau ben un documentarí.

Queu-quí es estat realisat per la cineasta iraniana Rokhsareh Ghaem Maghami.

E un pauc de musica dau Japon

Coma sei pas segur d’aver tot compres de l’afar — que la sala « de l’institut » es ‘na vertadierament bra’a sala, a l’italiana, anciana, mas quante una goiata japonesa parla mai ‘na p’ita votz, sus lu devant de la scèna, i a degun per comprener, afè — vau taschar de pas tròp ne’n contar.

« taiko » vòu dire tambor. Lu grop qu’eriá aquí es un grop de quasi amator, que trabalha tota l’annada per nonmàs ‘na festa. Lu movament per jugar deu estre lu mai naturau, sens paur, sens volontat. La gent nos eispliqueten maitot que per enseinhar los bocins de musica, aquò se fasiá « a la votz », sens res notar sus dau papier, un « son » un biais de jugar. De notar que la dansosa faguet una improvisaci’ — la moluda (fr : cerf-volant) —per n’autres.
La gesta bona per lu cur e l’arma dau tamborinaire deu per consequença farjar una sonoritat bona per lu cur e l’arma de la persona qu’escota.

Totjorns au Japon, un pitit concert de musica de chambra. L’enchaison per me de veire e escotar un « koto » jugar per una granda artista que sap tirar de las notas gravas o aigudas segond lu plaçament daus chivalets. Un « koto » tant coma lu « shamisen », vertadier « luth » coma tres cordas.
Non pas tròp parlar e riscar desparlar, escotatz :

Publicités