Presents per Nadau

« A lo Nodāū couneitriā sōū endai ! »

Jurtadament, lu temps de las fauchas es passat, lu temps que « Nadau » eriá ‘na filha maitot, qu’es entau, e non pas ronhar sus tot aquò, un bilhet per vos balhar daus liams per ‘chaptar per Nadau de que legir e passar lu temps autrament que davant ‘queu ciber-quasernet o ‘n’ardesa numerica…

Far present d’un libre dins la linga occitana

Per la Nadau, perque pas far present d’un libre dins la linga occitana — que tota las varietats son egalas mas aürosadament i a daus dialectes mai egaus que los autres e que qu’es entau que la linga vai estre sauvada. Que far present d’un libre es totjorn una marca de respiech, qu’es la marca que prenetz pas la persona faça a vos per ‘na colha. Ne’n mai d’aquò, que ‘la ‘guesse aprengut nonmàs « lu francès » o b’etot « lu francès e l’anglès » a l’escòla, atz la possibilitat de gardar lu libre per v’autres, çò que pòt passar per ‘na fauta de gost, segur, mas de dire que quò ven d’una libraria « ne’n linha », « occitana » ne’n mai d’aquò será sufisant per que la persona comprena que :

1 – Atz fach un cadeu d’una granda valor, un cadeu per luquau ela es pas a la nautor.
2 – Setz pas aquí per balhar de l’eime a sos manques.
3 – Beleu que ‘questa persona es pró comuna per far sas perverci’s dins daus endrechs « comuns », daus endrechs que per vendre doas mardas ilhs fan de la propaganda tota la jornada mesma sus París-Inter, mas que vos, atz de la consideraci’ per la festa de la nadau… cf l°1.

—!—

Adonc, beleu que demest vos amics i a dau monde per se pausar daus soschaments sus coma fau dire « las coquinarias » au liech ?

« Conilhs que pelons » dau Pau Quepro e la Emma Quenaian, publiat chas Bidors en Veschos, es lu libre de balhar.

42 pitits poëmas per ne’n parlar, un pauc, beucòp tròp. Qu’es bra’ament tornat esmai quò siguesse luenh de vos balhar l’enveia, sem luenh dau Kāmasūtra — कामसूत्र — mas de las vetz…

XVII

Freta fòrt, fai lusir !
Quo es mas biais de parlar, ‘chaba-te !
Es charjat lo fusilh !
Ten mas, tròp tard, quò l’i es… lava-te…

—!—

Poësia d’enquera, mai « Gresa » dau Felip Angelau. Recuelh que la tonalitat es vertadierament la de las annadas 80. Aquò fai pensat au libre « Triste campagne » dau Charbonneau, aquí (>lm) aquí (>fr) e aquí chas l’esditor (>fr) o au ciber-caïer « Absence » que vei-ne’n-quí lu liam (>fr).
Beaucòp de languissament dins un monde apres s’achabar.

—!—

Languissament totjorn mai lu cede dau Jan dau Melhau « La Velhada ».

V-òc-es, entende la p’ita votz dins vòstre cerveu, la votz apres dire « passat ‘na serada coma Melhau, i a de las chausas mai plasentas dins la vita », e qu’es pas faus.
Mas, mas, mas per mamesar un pauc, eu ne’n dich de las chausas sus lu monde, lu Jan, de segur eu ne’n conta lu tipe faça a sa caissa voida per aura, de las chausas sus lu monde passat, sus sa vita, tot darnier qu’eu es dins ‘queu vilatge vide.
Mesfiatz v’autres, qu’es pas un teiste per vos rendre aürós, mas degun fai de las chausas entau en defòra dau Melhau.

—!—

Aquò, qu’eriá per vos parlar de mos darniers ‘chaptadís dins la linga.
Per cas que setz interessatz per d’autre libres, i a ‘na tireta aquí (>lm), lu caïer de la Mela (>òc), una autritz en ela-mesma, e la rubrica sus Jornalet (>òc) per eisemple.

Per ‘chaptar « en linha », ujan passí per :


mas i a los de :


o d’enquera :

E de segur, i a d’enquera de las librarias independantas chas lasqualas podetz comandar…

Fin de la Masca & la pluma, per 2017, i a lu concors de novelas dau Lector dau Val (>òc-fr) lu dau Bornat, lu de la virada

E perque l’escrich ?

Voldriái vos far partejar una pichona reflexion sus la granda dificultat de parlar occitan, o d’autras lengas minoradas, en public, amai quora aqueste public la pòt comprene, almens d’un biais aproximatiu. Aquò per ièu es un problema de legitimitat de l’usatge de la lenga dins l’expression orala la mai normala, disèm lo de la convèrsa, alara que l’usatge nòble, elevat de l’escrich e en particulièr de la literatura, e tanben de son oralizacion dins la lectura, demora legitime, quora lo simple parlat l’es pas mai.

Publicités