Oncḁ̐làu – 11

Oncḁ̐làu – 11

Dins la vila, un pauc pertot i aviá d’enquera l’air de festa balhat per las decoracions de l’an noveu. Sus la plaça descorada de l’esculptura Kodály, doas mans apres sinhar l’aër daus cinc sinhes de benvenguda, ‘na fola amassada aquí per cridar dins tots los sens apres los de l’Union, reünits dins la sala d’onor de la meijon per tots.

Lu comandor, l’avatar rond de la xenològa e lu moleculariste d’un costat fasián faça a las autoritats representativas localas daus umans e ad una repersentacion daus oïans. ‘Questa darniera eriá estada convidada a la damanda dau conselh uman de la vila, dins l’esper doble que un, i aguesse una sola chanson per tots, uman e non-umans, que dos, queu sinhe siguesse interpretat coma positiu de per l’Union, que la ciutat portuaira, sens l’astrò-pòrt se veisiá desjà far frolhon.

Las salutacions passadas, una repersentanta de la vila diguet.

« Aimarian saber se i a dau nuveu dins l’enquesta, e, per iò dire davant tots e totas, tot emb-d’una, crese pas que ‘quò siguesse un membre de las comunautats oïannas alentorn de la nòstra vila que faguet ‘queu atentat, crese que qu’es un uman, mas çò que pòde pas saber, quò que pòde pas eimaginar ne’n son las rasons, lu perdeque.

— ‘Vant de vos balhar ‘na responsa, aimarai ne’n saber un pauc mai sus vòtres biais d’agir mai las colonias, que vos perpaus son pauc abituaus per comparason a çò qu’ai entendut a Nuòu-Delhi, o, e eu faguet una gesta vers la fenestra, çò que se fai auvir defòra.

— Vau iò dire, e Romuau tornará me reprener se eu iò veu. Los que son defòra son daus braulhards o de las bramaireritz, que las femnas son pas las darnieras dins ‘quel afar, i a que de veire la reüssita de la marechala… Afe, tot queu monde defòra fuguet benaürós que los oïans de la costa desborigessen la mar pacifica de çò que los ancians ‘pelavan “lu continent de plastique”, e i a d’enquera dau trabalh. Aquí sem un pauc mai dins la terra, mas, los meschaënts trabaus son totjorn fachs per los de la colonia, sens jamai de retorn en defòra d’una fòrma de tranquilitat. Fau las dire, las chausas entau. La colonia s’instalet ‘na vetz la guerra passada, i a quauques dos cent ans d’aquò. A la desbuta quò fuguet pas sens mau que beucòp aquí daissaten un pròpche dins las batalhas. Mas, ne’n mesma temps que la patz tornet arribar dau monde e per l’astrò-pòrt, aquò vòu dire ‘na fòrma de richessa, tant per la monada, fau iò coneitre, que de per las espeças inteligentas non-umanas. E los oïans, faça a un estre de Cassís, per prener un sòu eisemple, los oïans son assegurants… dau punt de vude d’un uman. E puei, son daus bons comerçants. Los trebles prengueten quante los dau PET interten dins las chambras cantinentala e contonala.

— bu mqˡu fu.

— qˡgˡ bu IOv˞ I, bu cOv˞ I *. ‘Nam beleu parlar esperanto, monsur comandor, per cortesia per nòs ostes. Vòle res dire de mai que la Krista. Aïer au ser, ai consurtat ‘na pertida dau conselh de la diaspora persenta sus la terra. Çò que volem, qu’es restar dins las nòstras colonias, lu temps que l’Union torna planetò-formar Oïa. Sem pas aquí per colonisar ‘na tant granda planeta contrarament a çò que prestan coma intencions los daus PET, e desirem pas estre conhat tots dins un sòu canton coma iò perpausa lu FUTIL. Per ne’n tornar a l’evinament, crese pas que quò siguesse un de la colonia, o un oïan isolat que seriá estat manipulat. Mas, aimarai saber çò que ne’n es de la possibilitat d’un eistraterrestre.

— Voletz ne’n saber de las chausas, que las responsas las ai pas dins mon òrdre de mission. La o beleu las, causa la coneissam pas. I aguet totjorn pas de reclamacion, e sem d‘enquera de perpensar a luquau o laquela aprofeicha lu crimi. L’ipotesa eistraterrestraera, per dire verai, a jamai estada pensada. Mas, que los umans fuguessen pauc estimats dins l’UE, e d’alhor dins l’Empiri Fred o aupres de la Guilda Verda qu’es un pauc parrier, que los umans sufriguessen d’estre maus considerats es un fach, que qu’es la sòla espeça qu’es capabla de se suicidar, d’aquí los destrusir. V’autres los d’Oïas serián los prumiers sus la lista, mas degun per i creire, e qu’es per aquela rason que l’Union vos porteja, sus la terra coma dins la galaxia. Pòde pas ne’n dire mai, e res de secret aquí, qu’es que sem un pauc perdut dins l’istòria, res de mai. »

La xenològe e l’inspector aupres de la Guilda acerteten los perpaus dau comandor.

L’encontra passada, quauques afars reglats, lu comandor annoncet qu’eu desirava pertir per l’ancianna Euròpa. Eu esperava coma iò diguet lu jornaliste, i trobat quauquares per far ‘vançar l’enquesta. Es ad aqueu momint qu’una petada granda se faguet auvir.

Tota l’assemblada s’amasset davant la fenetra per aviaisar l’elitroptère apres brutlar.

_____

* « v’autres me desfinissatz.
— Que v’autres auviguetz un bruch, ressentetz lu bruch. »

-!-

~ 1000 mòts per lu chapitre 11

Publicités