Oncḁ̐làu – 6

Eu ‘vança un pauc ‘queu NaNoWriMo, d’enquera 20 jorns per vos pardre dins l’espaci grand !

Oncḁ̐làu – 6

« Setz esperat dins la salla “Gagarine” » diguet l’òstaliera.

L’espandiment a pena ‘chabat dins la chambra que l’escran d’una consola se metet de brinbrindelar a l’arribada de l’òrdre oficiau desempuei lu veisseu de l’Union. Eu preniá lu cap d’una fòrma d’enquesta paralela, nominat per aquò « comandor representatiu de l’Union » mai las fonccions « d’ambassador delegat sus la terra ». L’òrdre fasiá de se quauqu’un que las decicions sirán de respectar per tots los membres de l’Union, mesma los umans que i son destachats. L’òrdre anonciava maitot los visitors qu’esperavan l’Eliseu aura.

Lu cibòrg e l’inspectritz que los repersentants de l’Union sus terra damandavan una communicacion. L’Eliseu, desjà tardier, lur laisset sa piada ologramica.

Eu sortet non armat de sa chambre, contrarament a las consinhas costumieras dau temps de crisa, mas, coma per l’ora lu canton diplomatique eriá barrat, eu se sonjava ren riscar.

Dins la salla « Gagarine », Eliseu tardet pas d’apercebre lu monde que l’esperavan. Aisats de reconaisser, una de las repersentantas de l’Uniterra per l’Union, motlada dins sa combinason aquasemsibla, un inspector de la Guilda, de l’espeça molecularista ‘bilhat de son cibervestit quantique, los dos dins la color bluïa dandelada de jaune daus unifòrmes de l’UE.

Emai son pertrach veniá de prener plaça dins l’info-lutz au mitan de las totjorn mesma novelas, Eliseu prenguet la pena de se persentat « oficialadament » e faguet davant chascun la corbeta conventionala.

« Eliseu, sei lu comandor representatiu de l’Union, aquí per taschar de comprener çò que se passet ‘queu mandin.

— Lodeva, xenologa repersentanta per la terra. Aquí per vos assegurar que los umans volan maitot la patz, e, per partajar la dolor daus quauques quatre cents mòrts eistra-terrestres dins “çò” que se passet ‘queu mandin. »

Marcat entau la tonalitat dins ‘na paraula esriá pas per res, mas lu comandor refuset d’usar de son poder psionique, d’autant mai que qu’es bandit per los reglaments inter-stelaris, e pus-que-tot perque l’ostau eria beleu susvelhat per aquò.

« Bonjorn monsurdama comandor, diguet Aimat, lu moleculariste, crese que n’autres nos sem beleu desjà encontrats, autravetz.

— Beleu, confessaretz que rencontrar ‘n’espeça que passa son temps sos ‘na fòrma de gaz, e que pòt s’espandir pas un copiat-jaspit de molecula, quò se pòt, mas qu’es malaisat de iò saber. Que voletz genrar ma persona, qu’es monsur per lu momint.

— Vejetz, chascun sas diferenças. Sei estat fach inspector pres de l’Union per la Guilda, que daus merchants son estats tuats ‘queu mandin.

— Setz tot parrier subordonat a çò que descidarai dins mon rapòrt finau.

— E sabe per avança que degun iò contestará, que passetz per jurte.

— Desboiratz flaunhar e diplomatia, mas tant iò prener ben que devem trabalhar de bana.

— Las autoritats de la terra van vos balhar las resultas de las enquestas dau Bureu de la Securitat Uniterrianna, mas crese saber que l’Union envoiet una inspectritz.

— E un cibòrg. Tant per taschar de comprener…

— Tant que cresiatz que los umans ‘navan…

— Sem pas au parlament. Sei aquí per desfendre lu punt de vuda de l’Union, tant iò dire, cresem pas que ‘quò siguesse un oïan o un oïan tot sòu que faguet l’atentat. Qu’es per aquò que lu cibòrg fuguet envoiat alai. Eu auriá pogut legir las memòrias tresenas de las inteligenças artificialas, o b’etot per son uelh escanor daus indicís autres que las evidenças. Mas, la charja de la bomba sembla pró forta per aver tot esbolhat.

— Sens obludar los fragments chauds, ‘na technologia qu’an pas los oïans » ajutet l’Aimat.

Per ‘na prumiera entrevuda, i avia d’enquera de las chausas de calar per ben se respectar.

Lu comandor eispliquet que per lu momint eu contava rassemblar las populacions oïannas dins las grandas ciutats terrestras, apres, l’Union ‘nava los portegiar daus umans. Los òrdres seran balhats de neutralisar la mendra tentativa.

« I a quitament pus d’arma per tuar sus terra, diguet la xenologa.

— Ò diguetz, quitament. Sabem pas coma las chausas s’adobeten per farjar çò qu’es ‘pelat « l’atentat », adonc, mon ròtle prumier es la securitat de las personas.

— Mas sem sos l’estat d’urgença.

— Ai fach se raprochar de la terra set seccions de la poliça stelaira, vendron sus terra se iò fau, estat d’urgença o pas. L’independança vòu pas dire far n’importa que mai ‘na populacion de la federacion. I a quitament pus d’arma, mas de que far petar un astrò-pòrt dins son entier. Crese que i a d’enquera daus umans que se cresen ne’n l’an 2000.

— Eliseu, Lodeva, sem pas aquí per nos garolhar. »

Lu moleculariste de dire aquò disperset son còrs dins la sala, que las votz nautas avian atiradas l’atencion. Lu comandor ramasset lu vestit quantique e mercejet mentalament lu moleculariste d’aver creat ‘na distraccion. Emai lu bastiment siguesse occupat per dau monde abituat de ne’n veire alhors sus d’autra planeta, o sus daus veisseus interstelaris, un moleculariste esvanesit eriá totjorn un quauque chause de remirable.

Defòra, quò semblava la voidar ‘questa vetz. Lu comandor mai la xenò agueten pas mestier de se ‘prueimar de la veirina per avieisar las doas aëromedusas apres passar dins lu ciau gris.

« Vesetz que de las vetz, los umans aprengueten d’apreciar las espeças eistraterrestras.

— Sabem totjorn pas se son vertadierament de las espeças invasivas o de las medusas de mar que fagueten ‘na mutacion au contacte de products radiòactius coma lu Trumpíum2016.

— Lu Trumpíum es un unobtainíum. Fau mai de cinc cent ans per far se mudar ‘n’espeça que viu dins l’aiga ne’n ‘n’espeça que viu dins l’aër. I a màs que las aëromedusas gigantas vos son utilas per minjar los poluants dins l’aër. Que un jorn coma aüei, sem combinason aquasemsibla, trapariatz dau mau la prumiera gosta de plueia davalada. La sòla chausa que desfendetz, qu’es vòstre interest imediat.

— Escotar aquò de quauqu’un que parlet aquí de desfendre lu punt de vuda de l’Union…

— Fasetz pas de confusion dintra un punt de vuda e la vertat. Que la vertat siguesse un atentat farjat per un oïan, l’Union iò coneitrá, perque son interest es de trabalhar dins lu calme aidar de la rason, e los oïans seron escortats ne’n defòra de la terra. Que l’atentat fuguesse farjat per un uman, sem d’esperar que l’Uniterra ‘guesse lu mesma biais de far per çò que qu’es daus oïans. Quò que vene de dire es ma sòla vertat, e deu demorar clau, compte sus vos mas venetz pas dire que ai de las intencions acatadas. Aura sabetz ! »

Aimat s’entornava, aura acompanhat de son besson. Los dos, d’una mesma votz eispliqueten au comandor e a la xenologa que qu’ilhs s’entendesse coma margaud e chin, chascun dau besson isolará l’un de l’autra. Dau mesma còp perpauseten de beure lu veire de l’amitiat, chascun segond son regime alimentari.

Davant un tau acordaire, lu comandor coma la xenologa tombeten d’accòrd.

Defòra, ‘quò davalava, dedins, a l’anonça sus los reseus de la nominacion, ‘quò intrava. Lu personnau de l’ostelaria instaleten daus gardroïds davant e dins lu ala. Vengueten damandar se lu comandor ‘nava parlar o pas per los infò-mediàs. Disset de li laissar un pauc de temps per preparar ‘n’intervencion. Per dire verai, eu voliá veire a costat de se, mas se‘n lur balhar la paròla, lu contraròtlor e la xenò. E eu prenguet p’una seconda per se sonjar de iò lurs damandar.

Lu comandor prenguet lu temps d’anar se ‘bilhar de sa combinason plasmoïda, aus colors de l’Union Estelada e faguet ‘na desclaracion sus sas intencions, la xenologa e l’inspector a costat de se, sos una tropelada de questions.

-!-

~ 1230 mòts per lu chapitre 6

Publicités