« Banturlcratia » & « V per Vendetta »

Apres « Pissarata-òme » e « l’òme apres córrer », dos filmes a la vetz de gaitar per eimatjar l’actualitat.

Monsur T. será un daus dos principaus candidats per l’elecci’ dau president de la Respublica daus Estats Units. De segur, qu’es ‘na novela bona per degun, mai-que-mai que de ne’n creire lu Michael Moore (>en), eu poriá ganhar. Còp sec, quò me faguet sonjar ad « Idiocracy » o per iò virar dins la linga « Banturlcratia ».

Joe Bauers e Rita son de la gent semblan los americans mejans.

Qu’es la rason per laquala van estre chusits per menar ‘n’eisperiança dins un programa fòrt secret de l’armada. Mas, i aguet un quauquares que faguet qu’ilhs fugueten obludar 500 ans de temps.

Lu temps jurtament faguet que la gent devengueten chasqua generaci’ un pauc pus colhon. Vau passat sus la vaga de la borrier que desvelhet nos eroïs per parlar dau monde dins luquau se desvelhan.

Lu monde dau futur es clafit de gents `bilhats màs de marca, ilhs son de las babòias « esducadas per lu montre-colhon, benleu `na fòrma pus manhada que los colhons que fan dau spòrt, marchatz saber ! Dins las ruas i a de la marda, pertot. Lu cuòu dau ‘pitau es tengut per dau monde que saban quitament pas legir, mas es aquí, apres un eisamen « pauc « ragoutant » coma disen los francilhons que lu Joe vai comprener que 500 ans son passats.

Dau còp, vai estre tatoat s’etot per estre escanable, quitament desnonciat per un distribrutor de beuvada sucrada, maron e gasosa…

De notar que lu filme, qu’es pas un chap-d’òbra, coneiguet la reüssita mas a sa surtida devede.

E « chas nos », i a la prolongaci’ de l’estat d’urgença. De segur apres los perpaus daus Estrosi, Ciotti, Juppé, FN e companhiá, sem de dever preparar ‘na estatua per la Isabela Attard (>fr) quante lu païs coneitra la liberaci’. Ela parla que los deputats son apres farjar un « Minority Report », me songe mai viure dins lu monde pinturat dins « V for Vendetta ».

L’ai desjà escrich aquí, la banda dessenhada es d’una melhora qualitat que lu filme, mas bon, quò se daissa veire.

« V » es un filme que l’accion se passa dins un London dau futur. 2038, apres ‘na guerra, apres qu’un virus es estat espendut dins tres endrechs, l’Angleterra es regentada per lu governament faissiste que se chabisset apres los messatges de paur instilhats per la propaganda.

I a ‘na miliça que fai respectat un cubra-fuòc, comprendrem pus luenh que la societat fuguet estada purjada daus « migrants », daus maucresents, daus musulmans, daus malautes mentaus o fisiques, daus gais…

Las grandas libertats fugueten daissadas de biais au nom de la securitat nacionala e per causa de guerra contre lu terrorisme. La musica es balhada per la chadena de montre-colhon BTN.

Lu ser dau 4 de novembre, un òme suert de l’ombra, ‘bilhat de negre, mascat e vai sauvar la Evey de la miliça ‘vant de far passar un messatge.

Ne’n sem pas tant luenh qu’aquò.

Publicités