Daus òmes e de l’aiga, de las rumors e un ‘limaud

Un bilhet boiradís per parlar un pauc daus evinanemts que ‘ribeten desempui los 3 jorns d’aiga, que pertant faran pas de junh 2016 la mesada mai lu recòrd de plueia dins lu canton, e qu’es pas ‘n afar de vielhs cobilhs lu cuòu sietat sus un banc, non, las doas annadas las pus aigadas ò son desempeui la desbuta dau sègle XXI. Parletetz de colapsologia (>lm).

De’n prumier, un chause d’òme !

Non, vau pas la montrar aquí, quò vai, v-òc-es.

Quò se troba que apres ‘na setmana de congiers maugrat nos, tornatem au trabalh. 37 es ‘na donada usada per la feure, aura sabe que qu’eriá lu niveu centimetrat dins mon bureu, per causa de terrenh, i aviá 42 dins l’atalhier. Lu diluns, desfença de toschar quau-que-siàia, fau esperar l’eispert. Ne’n mesma temps, nos fau avieisar çò qu’es bon per estre gietat, quò que vam servar e puei, coma lu dimarç e lu ‘mercres am ‘na formaci’ interna, braçam l’aër.

Lu mieijorn, parletem de l’aiga, que la pus manhada es la nòstra comptabla mai 1,50 m – 10 jorns après, i a d’enquera 50 cm per lu mens dins quauquas ruas de Gidy (>fr) — e forçament, los collegas me parleten de mos tragiers becaniers. Lurs disí que passí un còp per aquí, que i aià quauques 15 cm d’aiga pas mai, iò sabe que qu’es la nautor de mas pedalas ne’n posici’ bassa e que mos sotliers fugueten pas aigats, mas que pus luenh, i aviá certanament beucòp mai d’aiga.

IMG_0077

– Mas, non ! – Tu n’i coneisses res ! – Agues paur de te nejar dins un veire d’aiga…

E d’aiga.

Ai passat l’atge de la montrar per saber que ‘la es… adonc, lu ser mesma, i passí per ‘quela p’ita rota, dins l’autre direcci’, per me’n mordre los peneus. Mai-m’etot, non pas restar suau de las vetz. Afe, veiquí l’onda de ma connaria, passat 2 metres de l’òrlet.

shot-2016-06-18_15-51-46

E aquí, 800 m pus luenh, 60 cm d’aiga de naut que ieu ne’n podiá pus a la fin de la pitita rota de bicicletar coma iò fan los chins, clap-clap-clap ! (ndr : aquò per cause daus garda-golhas que retenen l’aiga e fan frens).

shot-2016-06-18_15-54-23

Lu lendeman, eispliquí aus collegas que passar per aquí es pas ‘n afar d’eteròs.

Las rumors d’Orleans – lu tornadís.

Tant d’aiga, son per far tirar las lingas que se i a beleu pus beucòp de judieus apres tener daus magasins per ‘trappar las practicas e las teleportar dins lu desert far las bordieras per los sultans arabes.

Au jorn d’aüei, aguetem drech a :

– Prefereten far se nejar los pitits vielhs de Faus-aus-Lòtges* per sauvar Orleans !

Qu’es un non-sens totau, que lu niveu d’aiga menat per l’achanau eriá grand, segur ;  eu se gieta dins Leire, de segur, màs ne’n fau mai per la far desbordar. Çò qu’es verai, qu’es que ‘quò vai servir de leiçon perque la chadena de responsabilitat montret de las errors e que quò seriá estat Leire apres montar, i auriá ‘gut daus desgats .

– Lu mera de *** per sauvar sos prats retardet la manipulaci’ de l’esclusa !

Pòde comprener que quauqu’un que la sòa meijon es sos l’aiga a l’enveia de se’n prener a n’autre mas, per « dubrir un pissadís », fau que n’i aguessa un. Mai que tot sus ‘na ribieira sosterrana.

– Prefereten far se nejar la preison per sauvar l’activitat economica dau centre rotier !

Sauv que la preison es un pauc pus nauta e que quò sembla que quò siguesse lu contrarí (ndr : d’autant mai que la plueia es d’origina celesta, adonc, qu’eriá beleu lu diau de la CGT que balhava un còp de man e entau fasent, reüssiguet quò que los manifestants saugueten pas far). E fin finalament, tant la preison que lu centre rotier se trobeten a bolar, sens obludar la granda rota…

Sus ‘quel afar de rumor, i a un professionau de la confuci’ (>fr) sus Jornalet© (>cat), vos daisse lu trobar, los autres prendren lu temps per se desborifar lu cerveau mai un daus filmonets (>fr) de « la tronche en biais » sus lu tema :

E lu chameu, lu  ‘vendres.

Per ne’n ‘chabar mai qu’ilhs 15 jorns un pauc estranhs, veiquí pas qu’una serva dins la forest tornet mudar ne’n lac un còp de mai, adonc, deví prener una ralonja. E, au cuenh d’una escliarada, a la broá daus buescs, arriba dins ma direcci’ un singlar a la corsa.

Me transiguet ‘queu chameu, afe ‘queu pòrc – sauvatge – pas d’insurta. Prenguí paur, segur, mas, me sonje que s’etot ‘guet paur. La sola chausa que sabe, qu’es que la Jeannie Longo-Ciprelli siguesse estada darrier me, e be, ‘la li restava.

E d’enquera, lu tipe dins la fotografia liada encontret se, un, un… pichatz lu liam (>en) e fusinatz sa besonha instramgram.

Quauques sites per far dau ben au vòstre cerveu :

_____

* grafiat entau per mon perron, i a p’una scientificitat dins ma virada.

Publicités