Bordeu e Lille per becana

Coma sei apres preparar ‘na novela intervenci’ dins lu pòste, la vetz venenta, i aura un autre nom de balhar*, segur, adonc, veiquí dos racontards sus daus de filmonets de propaganda « costat becana »

Lu prumier es sus Bordeu, la capitala de l’Aquitania.

Apres daus eimatges coma sus las boitias de chocolat, los 4 actors se desvelhan. Comprenem que son daus actors perque ilhs parlan pas ; son ‘na familha muda, çò qu’eisista pas dins la vita vertadiera.

La prumiera de pertir trabalhar es la maire. La tipessa monta ‘na becana p’ita mas pro granda per ‘nar dins la vila. Avant de pertir, ‘la obluda pas de verifiar son rendez-vous, que de iò far sus la becana es bandit per la leis. Monsur Vincent es apres daissar los barrís per junher la vila, e s’aretroba dins la circulaci’ fòrt importanta dès ‘queu desbut de mandinada.

La tipessa es ribada à la meraria que desjà un tipe daissa los bureus per anar sus lu terrenh mais son bicicleton plejant.

Passam a la goiata mai sa becana a la mòda. Ela nos montra que ‘la sap pas montar sus ‘na becana mas ‘la es ‘quí per far coma la gents dau filme li damandeten, qu’es de dire « ‘taschar sa becana ‘vant d’intrar dins l’escòla », aquò sembla dins sas possibilitats.

Lu Vincent ‘chaba per ‘ribar e davala dau trenilhon per prener ‘na becana ne’n libre servicí e montrar que per ‘n’agglomeraci’, una sola carta pòt far per paiar lu tram o la becana**.

Dins lo canton que la vitessa es estada limitada, los artisants poden livrar mai ‘na beacana equipada d’un chareton, e, la pratica pòt ela venir mai sa becana. Qu’es aquí que ‘riba lu paire. Qu’es se que fai las perverci’s mai lu goiasson. Lu visem mesma surtir quante la plueia tomba ‘bilhar marmilhon e contunhar sa permenada.

La filha de la familha dins ‘queu temps marcha, afe pedala veire los jounes que fan dau velò-gròs-peneu dins l’espací reservat. Aquí i a un messatge de la meraria, mesfiatz v’autres goiats de vos ‘musar ente fau.

Qu’es bentòst la fin dau filmonet, 11 minutas de carta postala, mas veiquí un banturle sus son grand-bi ! T’en balharia me, afe.

De que dire d’un tau filme ?

Pauc de chausa, quò montra que a Bordeu, i aguet un quauquaren de fach per favorisar la becana, aures.

 


Second filmonet, d’enquera dins ‘na vila de drecha, Lille

Aquí, la gents son de la v’rais gents, an lu drech de parlar e de ne’n contar. Son dins ‘na ciutat, la viven o beleu la fan viure.

Lu filme desbuta per ‘na pita vielha que parla « avecque l’accent », e quò trancha coma l’intervenant que sec, un paponet probablament lector-de-telerama ; qu’es pas de creire tots quilhs « papa bio-bio » que porian semblar de las tapetas.

Jurtadament, lu que balha son sentiment après ne’n e… Un grand charanson es montrat sus l’una de sas doas becanas, eu fai coma las galhaudas, lu temps es bon, prene quela-quí, meschaënt, questa-laï.

Forçadament, la gents son filmat-ada-s per servir la sopa a la comuna. Qu’es la meraria que ditz quò que fau dire, e quante ‘la decida de vos far passar sus lu trepador, atz mestier de dire que qu’es ‘na bona chausa.

I a mesma la poliça per far creire que ‘la es utila. Quò qu’es de rire ad aqueu momint, qu’es d’avieisar los reir-planhs. Me songe que non pas far chiar las becanas, sauv de metre los trepadorians ne’n dangier, ferián mielhs de reglar la circulaci’.

L’afar seguiant es la persentací d’un velò-bus, puei de l’obrador becana.

Çò que me fai dire que son daus vertadiers gents ? La posici’ de las mans sus lu volant, mai-que-mai per las tipessas qu’an estanhament, la mesma fòrma de becana. Dins lu filme de Bordeu, la tipessa lu ten coma se qu’eriá ‘na forcha per las cagolhas, dins lu de Lilles, la tipessa lu ten per se dirijar. Lu filme montra un cicle dins la vita, de la vielhessa d’aici esser goiasson.

 


Doas filmes, doas istòrias, sem quau que siàia luenh-luenh de Copenhague.

 


—–

Ce billet a un cousin franquofone phrankophone francophone ici

—–

* sauv de me far conductor-grand a vita de l’associaci’ que ven.

** fau pas rire, i a de las aglomeraci’s ente i a ‘na carta per ‘quò-quí, una per ‘quò-laï…

Publicités

3 réflexions sur “Bordeu e Lille per becana

  1. Aredius44 19/05/2016 / 17:19

    Le blogueur nous prépare pour la fête du vélo !

    Une idée, et s’il nous faisait des zeugmas en limousin, une autre manière d’apprendre le limousin.

    « un banturle sus son grand-bi !  » j’aime !

    J'aime

    • janpeire 19/05/2016 / 20:55

      Grand marce per lu comentarí, far daus zeugmas coma de la bicicleta es aisat per lu que i entend quauquares coma lu « masque et la plume ».

      J'aime

Les commentaires sont fermés.