No woman, no drive – Hisham Fageeh

Qu’es la jornada de la femna deman, adonc ne’n parle uei. Aquela jornada es la que se fan los bilançs, país per país dins l’estile « aquí las podon se far gietar de las calhassas, mas ‘tenci’, se ‘quò la fai pas crebar coma ‘na chena, lu ‘limaud dau diable, ‘la pòt se planher davant un tribunau constitucionau ».

Afe, coma ‘guí l’enchaisson de tornar visar Wadjda (>lm), autant montrar un filmonet farjat per estre mocandier daus islamistes sus lu questionament dau drech per la femna de condure ‘na banhola.

Per los que parlan pas l’anglès, lu tipe torna dire a la femna que sa plaça es darrier, per la securitat de sos ovaris, ‘quò qu’es mielhs per poder far daus eifants. Que fau pas comptar prener lu volant, autrament las femnas irián correr pertot e farián los òmes banards. Sens obludar que los pinons son bons d’usar dins ‘na bona meijon, de la cosina a la taula per servir son òme.

– Mas, mas, mas per mamesar un pauc, mon rapieton, tu ses per lu drech de menar ‘na banhola aura ?

– Sei nonmàs per l’egalitat. D’autant mai que las femnas d’Arabia an mesma pas lu drech de far de la becana. Pensa que l’esjarrat d’una femna sus ‘na becana pòt treblar un paubre òme cande e sent. Mas, me songe que n’autres am pas de leiçon de balhar, i a 100 ans, los arguments erián los mesma ne’n Euròpa, quau que siàia, la becana fuguet un utilhs de liberaci’ per-çò-que las femnas se meteten de portar ‘na culota, e pus que tot, las povián daissar los fornaus sens estre sos la direcci’ de lurs òmes. Per s’enchabar e perque las dominaci’s son d’enquera ‘quí, un filmonet per daus cabats. Gaita be quò qu’es reservat aus goiats, e çò qu’es per las goiatas !

  • Pour lire ce billet en langue françoise, cliquez ici (>fr)
Publicités

2 réflexions sur “No woman, no drive – Hisham Fageeh

Les commentaires sont fermés.