Avrila mai lu monde treblat – Franck Ekinci, Christian Desmares

Una miraudia de filme d’animaci’ (Fr, 1h45, 2015)

1941, lu monde sembla pas a ‘queu que pensam. Napoléon V es au poder dins ‘na França que los sabants dispareissen sens que degun sapcha tròp perque, entau fasent, lu monde es privat de las invenci’s coma l’electricitat, l’aviaci’, la radiò, lu montra-colhon… lu monde ne’n es d’enquera au charbon.

Dins ‘quela epòca estranha, la jòuna Avrila es apres charchar sos pairs, daus scientifiques despareiguts ilhs-tot, de ban coma un margaud, Darwin. Chamin fasent, ela encontrará lu Julius, un goiat de las ruas.

L’istòria, una ucronia, es una reüssita, au temps dau charbon, ela pòt nos parlar de nòstra epòca mai lu besonh d’aver un trans-continentau París-Berlin dins una Euròpa de patz.

Lu ‘nivers dessenhat es lu dau Tardi, e mai d’un personatge, pense aquí au policier, es tirat d’aqueu univers.

Publicités