Òc-tòbre, NaNoWriM-òc

Apres las visions qu’aurian pogudas far de me un daus grands gurū dau Lemosin (NDR : sus un site occitan, me persente desjà coma lu Budhā, mas cho ! ‘Netz pas me far bastre), veiquí la resulta d’una p’ita formaci’ d’estiu e de las perpausici’s per la davalada.

De’n prumier, faguí una p’ita formaci’ per adobar un teiste mai Scribus (>en), e coma far la cuberta d’un libre, ‘n eimatge mai Inkscape (>en). Forçadament, iò faguí per pòder me far imprimar e venir un richard, perdon, per me far plaser, que la resulta sos la fòrma *.pdf se pòt deschargar aquí (>lm) per cas que v’autres setz marcats chas Issuu, o iò legir aquí (me’n manca un cent per ‘ribar aus 500 lectors) :

Qu’es pas perfiech, de segur, mas bon sei aürós de’n estre aquí. N’es pas Melhau lu prumier ‘ribat, iò sabe.

‘Queu libreton es estat escrich lu temps dau NaNoWriMo (>lm), e eu torna d’enquera ujan. Eriá lu sòu òc-fòne antan, quantben ujan per ne’n far un NaNoWriMòc ?

Totjorn per la davalada, per los e las que dessenhan, pensa ad una persona que son cibercaier es liat aquí (>fr), i a Inktober (>en) qu’eissista. Perque pas ne’n far un « òc » « quauquares » dau tipe « Encr-òcbre » non pas totjorn fanfonhar que la França nos tua.

Per ne’n ‘chabar mai los « òc » per aquí e per alaï, perque pas far d’octòbre la mesada de legida ne’n « òc ». Iò sabe, qu’es mai aisat de jaspir los catalans qu’an la Sant Jòrdi per se far… (>òc), mas seriam pas capables de farjar un quauquares tots sòus.

Un « v-ÒC-es » vau legir un libre la setmana ne’n octÒbre !

Sabe pas me mas me songe que las associaci’s que fan las librarias verián ‘ribar un pauc de moneda dins lu tirador, que los esditors « occitans » serián un pauc aüròs de vendre daus libres.

Vau balhar l’eisemple. Dins lu mes d’octòbre e ne’n parlarai aquí, vau legir nonmas de l’« òc ». Apres lu Poitevin (>lm), veiquí los libres que van i passar :

  • Setmana 1 (lemosin) : Joan Ganhaire « Çò-ditz la Pès-Nuts »,
  • Setmana 2 (occitan oficiau perque vive pas dins ‘na secta – me) : Max Roqueta « Verd paradís »,
  • Setmana 3 (auvernhat) : Julien Galéry « L’Ama d’un Pacan »,
  • Setmana 4 (lemosin) : Pau Rainal « Paraulas lemosinas ».

Veiquí, ‘quò deuriá pas estre tant complicat qu’aquò. E coma i a de la gens que ‘riban sus mon ciber-espací de per lu faça-boc, sei pas proprietarí de la chausa, se v’autres voletz ne’n far un « evinament », un chause « cóole » o sabe pas tròp de que, setz liures (afe sus faça-colha setz mai-que-tot desnonçats a la NSA).

Avant de ‘chabar mai un filmonet, pòde be dire que parle, parle mas « ‘nirai pas a sabe pus ente ‘quò purar sus mon sòrt » a la fin dau mès.

Publicités

2 réflexions sur “Òc-tòbre, NaNoWriM-òc

  1. Melanie 06/10/2015 / 21:17

    Ganhaire: valor segura , te vas RE GA LAR. L’as legit « Vautres que m’avètz tuada »?
    Verd PAradís : Grand classic. Soi fan. Mai que mai « La mòrt de Còstasolana ». Se lo lexic te sembla dificil, pòs consultar aquò : http://www.max-rouquette.org/ressources/lexique-max-rouquette

    Los dos autres, los ai pas legits 🙂 Nos diràs!

    J'aime

Les commentaires sont fermés.