Vision d’estiu

Quò i es, vene de la veire !

De segur, coma ai pas la televicolha chas me, me fau esperar un bra’e moment de las vetz per visar tala o tala chausa que quò se’n parla aquí o alaï.

Mas aura, quò i es ! Iò viguí ‘queu filmonet que faguet s’esmangonhar los integristes barbuts, las integristas de la chabeça e de la panolha amassadas, parle aquí daus minja-raiças, pas daus bradassats daus diaus, ‘netz pas me far ‘trapar de las maledicci’s sus 7 generaci’s.

E parle maitot dau filmonet de la propaganda d’Aoste©, v-òc-es lu chambon beleu polifosfatat, propablament produch dins ‘na usina a charn ne’n China, mas bon, sem pas aquí non plus per purar sus los ‘limauds que daus banquiers fan frutjar mai de las ormònas per balhar de las malaudias a de la gens que lu cerveu es màs ubert per gaitar de las connarias a la televicolha, quante qu’es pas de las connarias vibromassoiras coma d’aucuns sus lu tiala.

Adonc, lu pitit filme montra la vita dins ‘na familha, ente i a lu pair, la mair e dos dròlles. Qu’es jurtament l’un daus dròlles, lu joune goiat que ne’n vòu.

Ooo cresetz pas qu’eu ne’n vòu dau trabalh ! ‘Quò non, quau deu estre ‘na familha de pròf, o per lu mens daus gauchistes, adonc, la valor trabalh, pensatz be que quò fai pas pertit dau ‘niver educacionau. Non, lu goiat es tentat !

‘Tencí’, sem chas daus baba-cooles, eu pòt be estre tentat per de la droga, las filhas o beleu los òmes, ‘quò los derangariá pas tant que aquò, de segur.

Perque l’obgier de sa tentaci’, rapelatz v’autres que qu’es la charn ; la charn dau ‘limaud dins ‘na meijon de minja-raiças, lu tabóu totau.

La scena es filmada ne’n clar-obscur, coma una istòria de fadas. Beucòp de chausas semblan grisas coma los vestits, lu minjar sos la fòrma de celeri coma lu de la cantina.

Lu pair torna trobat sos ròtle de masle dominant dins la tribut, eu deu fai prova d’autoritat faça ad un membre que vòu desvirar lu tabóu sacrat. Lu pair es aquí per pausar l’interdit, eu ditz « non ».

La mair es plena d’empatia per son filhon, lu paubre, quò se vei que ‘la vai intersessar aupres dau gourou, afe dau diau, adonc dau pair.

La sequença seguianta montra la familha dins un subremerchat eclairat mais daus neóns blancs. Adonc, los minja-raiças an daissats lu monde de la grisalha per lu paradís de la consomaci’.

Aquí la mair, contra lu pair, aida lu filhs per far l’Oedipe, perque lu filmonet de propaganda es un conte, aures. Ela es de consent per qu’eu lu goiat iò fase, mas fau iò far coma quò fau.

E dins la gleisa de la santa consomaci’, que lu cancer, lu diabete e lu colesterol ne’n son los apotres, la comuni’ se fai mai lu chambon d’Aoste© – Antau siàia !

Mai seriosament , comprendrai jamai los integristes, quau que siàia la religion, son tant pauc assegurats qu’aquò dins lurs creienças qu’ilhs pensan qu’un filmoneton per de la marda pòt esbolhar lur biais de viure ?

L’eimatge balhat daus minja-raiças es pas la melhora ? Ne’n conneise daus piègers !

Son contre l’Oedipe ? Qu’es beleu un daus problemas de nòstre temps de pas voler iò far ‘queu-quí, e apres, se sonjar d’aicí la quarantana poder far coma se erián totjorn daus goiats.

Son beleu contre las caricaturas ? Nos i veiquí, fau pas se mocar, jamai. Non, quante qu’es se mocar per estre meschaënt, iò comprener, coma per eisemple dins ‘quela propaganda (>lm) :

mas aquí, qu’es un produch de marda e estre mocar per aquò devriá pas nos far nos esmalir. Vau pas vos passar lu recorson dau « fau pus res far, fau pus res dire », i a pro de gens per estre triste dins un monde apres crebar.

Contunharai de me mocar de me de’n prumier, daus autò-terroristes, daus velò-ciclopedes per davant e encuolats per darrier, daus eteros que fan de lurs goiats daus monstres, daus pròfs, daus pròfs despressifes, daus pròfs despressius quante son daus occitans oficiaus, daus gròs, daus magres, daus lemosins perdon, pas daus lemosins perque son ‘n’enja sacrada, adonc daus margauds que ilhs, tot lu monde es de consent per dire qu’ilhs iò meritan.

Un darnier mòt per los drogats, e dijatz me que propagandiste es pas un trabalh de drogat per veire,  que fargeten la propaganda, mesfiatz v’autres de pas estre victimas de l’efiech Volkswagen© :

veiquí lu filmonet de la propaganda de la poison :

_____

Los eivís balhats sus la gens dins ‘queu bilhet son per far rire, tant iò dire.

Publicités