Alternatib’ achabat

La fin dau monde es per aüei, lu 23, o passat deman, lu 25, segond un site complotiste que balharai pas son nom. Dau mesma biais, n’i aviá una de prevuda lu 15 de setembre totparrier e sem d’enquera aquí, adonc, pense seriosament que i a res de cranher, mas, setz beleu curiós de quó que se passa dins los ciaus e be, vos fau saber que dins la nuech dau 27 au 28, i a ‘n’eclipsa de luna…

Alternatiba es ‘chabat e tant mielhs, pòde durmir un pauc perque :

– 9 mes copilhats ne’n mai de 25 jorns, es de dire quauquas 70 oras d’achampadas.

– quauquas 20 oras de trabalh per desboirar quauquas 80 receptas de cosinas, netiar lu fichier, far far las corecci’s far eschafrar las fòrças nombrosas fautas (e s’apercebre qu’una veganianiana de Nancy (>fr) parla pas la mesma modalitat de la linga francesa qu’un minja-raiça de Sent Junian (>fr))(lu *pdf vai estre mes sus la tiala dins quauques temps).

– quauquas 15 oras per l’adobar sos Lyx (>en) per ne’n montrar aus informaticians « libres », mai una ora per los perçar e los coser, e parle pas aquí dau temps per far las copias.

– quauquas 10 oras per far los pliatges de las boitas « porta-moneda » o « porta-onda » e forjar las notiças.

– visitar lu luòc, pensar la securitat e pausar los eistinctors.

– far invitar per la libraria lu « convidat de referença » (e degun a la conferença-sinhatura, lu monde demoret au vilatge = un fòrt grand momint de solituda).

– legir los 36000 corriels per dire « farem pas ‘quò-quí », « farem pas ‘quò-laï » mas lu jorn J s’apercebre que « pissar dins un violon » auriá estat tant util, afe, qu’es entau.

– chaçar los dos « complotistes-antisemites » que pensan que lu rechaufament climatique es estat inventat per los judieus per dominar lu monde.

– imposar l’associaci’ d’esperanto e ne’n aprofeichar per plaçar lu lemosin, aquí 1, 2, 3 per sauvar la Terra.

– quauquas 2 oras per culhir de las ortrujas de sos-buesc per far dau pesto, de las rondres per far sechar e entau fasent, far un « tè » sauvatge.

– preparar 2 kg d’houmous perque am paur de mancar, la sopa es estada preparada per la discò-sopa (sei pas un fanatic de la chausa).

– estre chas se quante los veganians ‘riban mai los 50 litres de « lach vegetau », los 50 pòts de cresma « vegetala », la 50 saucissas de tofu, l’erpausici’ sus lu benaise d’estre vegetarian (fau i creire perque las cresmas vegetetalas e mai-que-tot las saucissas son pas vertadierament bonas).

– tornar de biais los libres dau Charbonneau, dau Tolstoï, dau Reclus, dau Watsuji, dau Héran… quauques 30 kg.

– controlar lu chamin de la veloruci’, nonmàs 2 còps 10 km, mas fau preveire los fuòcs, los crosaments, lu passatge d’una becana de 4 plaças, de 3 plaças…

E d’enquera, me faguí pauc de chausas, vos parle pas de las menosas de l’afar, la Jania e la Genièvra (>fr/FR3), los sos-menors, Silvia 1 & 2, Remi, Bernart, Cristian, Christela, Lea, Agata… e d’autre-a-s, sens obludar la p’ita centena de personna qu’aidaten lu jorn J.

Afe, sei pas aquí per me planher, lu ‘vendres per la veloruci’, per l’anar, 40 personas sos la plueia, au tornar, apres aver junher la caravana de l’Alternatiba, seram beleu 150 (segond los organisators), mas sens la plueia.

Beleu 300 personnas per la conferença e lu concert dau ser.

Lu lendeman mai de 3200 personnas passeten dins lu vilatge associatiu (lu mesma jorn, dins la vila, i aviá lu desbut dau festivau de Leire, la tornada bistrofonica, lu desfilat daus « vive-ma-ciutat », e, qu’eriá las jornadas dau patrimoni (>fr).

Non, ‘nam pas nos planher de la resulta.

Publicités