Alternatiba 2015

5637 km tras 187 cantons o païs, 6 estats d’Euròpa, 4 mes de temps.

Lu torn Alternatiba partiguet i a un mes de ‘quò, lu 5 de junh, jornada mondiala de l’environament, per ‘ribar a París lu 26 de setembre, jornada sens veitura e jornada francesa de la transici’ ciutadena.

‘Queu torn es estat farjat per se far boirar las associaci’s localas tant dins lu domení de l’environament, de la natura que las que trabalhan dins lu sociau o lu sindicalisme per eisemple, mas lu sistemí es dubert au monde dau spòrt, aus estudiants, aus chantadors, aus dançors tant coma a las desclinaci’s femininas d’aquelas activitats.

Los colectius entau montats son convidats de perticipar aus darniers bocins dau chamin dins las aribadas segond las possibilitats e mai-que-tot avant de junher los vilatges d’estapa ente i a la persentaci’ dau progier, de las conférenças, las associaci’s.

La finalitat dau torn es de far s’amassar la gent dins la luta contra los chanjaments dins lu climat e entau fasent, damandar tant ad aquela gent que aus eluts e a las elegidas de s’engajar faça au desfis climatique.

Lu torn es maitot l’enchaison de far la promoci’ d’alternativas au sistemí actuau per de verai, coma per eisemple dins l’abitat o b’etot los chamins corts per las legumas.

I a mai de 180 estapas, autant d’encontras coma los ciutadens autorn d’una perjeccion, d’un desbat, lu temps d’una veloruci’…

90 amassadas publicas son d’eimaginar lu long dau chamin, la setmana passada a Marselha aquò fuguet una reüssita maugrat lu bandissament per la meraria, n’i a d’autres viltages ‘quel estiu a Bordeu o ne’n Lemosin, fau esperar que ‘quò se passesse mielhs.

carte_1_2

Qu’es lu sistemi que fau desboirar, non pas lu climat.

Publicités