Marçau Thabard

Per chamjar un pauc, un bilhet sus un sculptor que sautet de Lemòtges au sègle XIX.

Per la p’ita istòria e per vos contar ma vita, qu’es un tipe de Lemòtges que me contactet per un raseu « especialisat » sus la tiala mai de las conversaci’s dau stile :

– Aviese sus ton perfil que ta seconda vila es Lemòtges, m’i trobe, podem beleu nos encontrar ?

– Rintre de culhir de las ertrujas dins los buescs d’Orleans per far ma sopa de ser, tòrne te contactar apres…

– Qu’es totjorn parrier, quante la gent dau Lemosin contactan los autres sus queu raseu, la gent fuguissen.

– Ai pas dich aquò…

Aquí : fleunatge per sacs a man numeriques interposats, edr 🙂 e passe aquí sus las consideraci’s d’usar d’un « Lemòtges » dins la conversaci’. Fin finalament, ‘chabí per far remarcar au tipe que se s’acatava darrier una fotografia d’una sculptura, beleu fòrça indicatritz que quò qu’eu vòu dins la vita veraia, mas une scultura qu’es pas de Lemòtges. Adonc, lu tipe se piquet e me damandet quò que fau far per me plar.

– Per plar a Jan-Plasent ne’n fau, me far plaser es mai aisat, mas de Lemòtges te damande pas de metre ‘na fotografia dau St Marcau dau R. Toulouse (>lm), i a nomàs que podes anar a la meraria far un « se-fixe » mai lu « Ganimede que monta sus lu Zeus », que qu’es una sculptura fòrça omò-erotica.

– …

Se’n passan de las chausas dins ma vita, vos dise… Afe, veiquí una fotografia de l’òbra :

Eimatge tirat d’aqeu ciber-caier (>fr)

Marçau Thabard es un sculptor dau sègle XIX. Nascut a Lemòtges ne’n 1831, dins una familha d’artisans porcelaniers. Forçament, qu’es dins ‘queu mitan qu’eu reçauguet son educaci’, mai-que-tot dins lu modelatge de la terra.

Pertan, a la desbuta, eu seguís de las estudas per far lu medecin, mas de bana, eu pren de las leiçons d’anatomia. Entau fasent, la maitrisa de la plastica dau còrs uman a gaire pus de misterí per se, e qu’es aisidament qu’eu farja de las p’itas figurinas per los porcelaniers.

Eu ne’n vòu e marcha ganhar sa vita aus USÀ, puei ne’n Anglaterra. Tornat ne’n França, eu trabalha per los que fan los bronzes a París , aquò se’n jamai ‘restat de trabalhar per la gent de Lemòtges.

Son prumier trabalh eisposat se fach ne’n 1863 d’aicí 1901 (eu ‘chaba de paiar son chamin ne’n 1905)

  • Per aver una lista de son trabalh, vos fau anar sus lu bilhet de la ouistitipedia (>fr)
Publicités