Titli – Parpalhon

Un filme de Kanu Behl que nos ‘riba d’India, mas luenh luenh de las producci’s de Bollywood. Filmat per una granda pertida en defòra, dins un decòr d’immòbles apres estre bastits dins los cantons aisats de Delhi, un decòr de rotas grandas e de bidonvilas maitot.

En defòra de la ciutat, i a la gent, los pertrachs realisats, d’aquela jòuna femna que vai toschar per entau dire son maridat imposat, d’aici lu pair, que fau tuar.

V-òc-es, un sos-titre dau filme auriá pogut estre « Freud au païs dau Karma », mas coma Freud raubet lu concepte au bodisme que iò raubet a l’indoïsme… seriam qua’iment apres far una redicha.

Entau fasent, qu’es ‘na societat apres chamjar, apres mudar que se fai veire, per lu ben e per lu mau.

Istòria : Dins un barrí de Delhi, Titli, lu cacha-niu d’una frairina de raubaires de veituras, perseguís d’autres raibes que de banturlar. Sos planhs son mauvuts per sos frairs que descidan de lu maridar sens li damandar son eivís. Mas Titli vai trobar en Neelu, sa jòuna femna, una apariada sens iò voler que vai lu desliar d’aquela familha.

Titli vòu dire parpalhon.

‘Tenci’, i a de las scenas fòrça violentas.

 

Publicités