Un pauc de torisme.

La setmana de l’Ascenci’, la setmana borruda per parlar ben, lu ‘mercres de l’Ascenci’ per estre precis, decidí sus un còp de testa de me netiar de tots mos pechats. Ne’n chauciguí l’eideia quante auviguí dins la rua dos jòunes que s’esmangonhavan davant lu despanor mai conegut sos lu chafre de « l’arabe dau cuenh » :

– Prend du Tropico ! – J’ai pas trouvé ! – P’tain t’es un naze, c’est le truc à côté du Fanta ! – Y’a plus de Fanta, comment veux-tu qu’j’trouve le Tropico. – Bon ben on passe au bar chercher des filtres…

Iò sabe, i a p’un liam d’intre de taus questionaments e mos pechats, pitits o grands, mas aiá l’enveia de notar de taus soschaments.

Adonc, vei-me-quí apres montar ne’n becana per anar visitar Germigny (> fr), lu long de la Leire (>fr) qu’es aisat.

Qu’es aisat sauv que sei un pauc colha e que una vetz sus la levada, una vertadiera granda rota per bicicleta, sabe pas coma me desbrolhí, mas me veiquí ‘restat per un paneu Sully / Loire (> fr). Qu’es de dire que m’entornesse e me fau far 10 km per trobar lu pont e 10 km de mai d’aicí l’oratorí, contunhesse que fase 7 km pueis un pauc mens de 20 km per junher Germiny.

20 o 25, tant piech per lu molin e lu forn per far las bricas, 2 cranes eisemples d’architecturas civilas dins ‘quela pertida. Quò fai bon, ai mon cassa-crosta, marcha per Sully que vei-ne’n-quí ‘n eimatge :

Tirat d’aqueu site (>fr)

Lu chasteu es ‘n’anciana forteressa de l’atge-mejan tornada maniada per lu ministre dau res Enric IV au XVII sègle, Maximilien de Béthune, duc de Sully. Lu chasteu se visita, i a de las pèças mai de las tapissarias, la chambra dau rei e pus que tot, la charpenta, dicha « ne’n berç brisat ».

Afe, los acaciàs erian flurits, doas grapolhas mai un càfe, e vei-me-quí apres traucar la Leire per passar de la riba sud a la dau nòrd.

Avant Germigny, sei pas sens saber que i a St Beneit sus Leire (> fr), que los occitanistes son oblijats de coneitre sos lu non d’Abádia de Fleury.

Tirat d’aqueu site (>fr)

Eissida ne’n 651, l’abádia coneguet sos grands jorns au X sègle. Mai-que-tot, ela abriet longtemps dos tresaurs de la linga occitana (per pas dire lemosina). Que un, lu Bòece es au jorn d’aüei a la mediatèca d’Orleans, lu second es au Vatican. Lu bastiment es constituat d’una tor pòrga, una obra bela daus desbuts de l’art roman e d’una nau. Los chaspiteus per cent son descorats de personatges e d’alimauds fabuleus. La cripta abrita la chapsa de las reliquas de St Beneit.

Esparsida au momint de la revolucion, l’abádia fuguet tornada uberta ne’n 1944.

Lu poëta Max Jacob (1879-1944) se retiret a St Beneit sus Leire ente fuguet ‘restat per la poliça de Vichy. Moriguet au camp de Drancy, reposa aüei au cementari dau vilatge.

De l’itinerari oficiau, fau prener una longiera per junher Germigny e son oratorí.

Bastit ne’n 800, qu’eriá un bocin de la meijon dau Théodulfe. Sus un planh ne’n fòrma de crotz greca, lu bastiment fuguet mai d’una vetz manhat, mai-que-tot au XIX, que la mosaïca de 130 000 terrissons* tornet trobet sa pareissença originala.

Théodulfe es un intelectuau de l’epoca carolingiena, nomat evesque d’Orleans e abat du monastorí de St Beneit per Charlemanhe ne’n 798.

La mosaïca eimatja un passatge de la Bibla : l’Archa d’Apariatge. Dos cherubins son persentats enclausats per dos angeus au mitan daus quaus se fai veire la man dau Diau. Théodulfe cranhava que los fideus davalan dins l’idolatraria, adonc bandiguet la repersentaci’ dau Diau per tota faça umana.

Tirat d’aqueu site (>fr)

L’inscripci’ que se fai veire :

« ‘Viesa aquí e remira lu sant oracle e sos cherubins. Aquí respelís l’archa dau testament divin. Davant ‘queu spectacle, tascha de tochar per tas pregieras lu mestre du toner, e obluda pas, te’n pregue, d’associar Théodulfe a tas pregieras. »

P’ita istoria : ‘questa mosaïca fuguet descuberta ne’n 1840, qua’iment per asard. Son daus goiats qu’erián apres jugar mai daus pitits cubes de veire colorats trobats dins la ‘gleisa que fagueten se manhar daus sabants. Qu’ilhs darniers trobeten la mosaïca darrier un badijon.

Apres, per tot dire, m’entornís chas me, mai 100 km dins las chambas.

E perque sei pas d’enquera entierament un vielh cobilhs, veiquí las traças dau porta-onda :

Capture du 2015-05-15 20:12:05_____

* « tesselle » dins la linga francesa.

Publicités

3 réflexions sur “Un pauc de torisme.

  1. donna1653 18/05/2015 / 20:01

    Legir es una causa, sobretòt aquel cibercaièr qu’es un plaser, mes par parlar 😦

    J'aime

  2. donna1653 18/05/2015 / 16:56

    100 km à vélo, respect !
    La mosaïque est magnifique (et mon occitan ne progresse guère, comme on peut voir, hélas…)

    J'aime

    • janpeire 18/05/2015 / 17:48

      Bonsoir,
      Sur la Loire à vélo, 100 km sont une lettre à la poste, vraiment. Pour la mosaïque, oui, il faut le reconnaître, c’est un chef d’œuvre, dans une église minuscule, quasiment perdue dans un bras de Loire.
      Pour l’occitan, il doit bien progresser puisque vous lisez ce blog 😉

      J'aime

Les commentaires sont fermés.