Shaun la p’ita ovelha

I a mai d’un biais de ‘gaitar un tau filme.

Los minja-raiças integristes e antispecismes mancaran pas per criticar que lu moton que charcha son mestre una vetz son bachon vide, aquò es una justificaci’ per los charnistes, que montrar aquó a daus goiats qu’es lur far creire de las chausas, qu’es dirijar l’educaci’, que lu filme obluda de dire que l’elevatge es dau capitalisme…

Los potonors siran joiòs de veire daus motons se pradelar dins ‘na vila, que la natura a la campanha ‘quò vai ‘na minuta mas que ilhs-tot an lu drech de bischar la popola, lu bibi e lu vedeu…

Los nacionalistes s’esmangonharan sos la fòrma : « tu iò vese be que qu’es un filme frances, ‘gaita lu nom daus comercis », « mas non, qu’es una adaptaci’ qu’ilhs fagueten. Un per los frances, un per los alamands… ».

Los professors s’esmaliran que dins un cinema d’art e d’essag, qu’es pas de creire de pas aver un filme ne’n VO, mai que tot quante qu’es per daus goiats de 4 ans.

E puei, i a daus grands badauds que van au cinemà per visar un filme, que son de crenher per lu moton, e entau fasent far se virar la veisina. Daus grands colhons apres rire quante lu farmier far veire son cuòu, quante las doas pedalas, perdon, los cofors s’esjacinan davant daus piaus copats, quante lu chavau peta, e ne’n passe.

Veiquí l’istòria :

Dins una farma, los jorns passan e se semblan. Un jorn, Shaun vòu far una connaria, mas veiquí pas que quò vira mau e que lu farmier se troba dins la granda vila.

Shaun mai sa tropelada d’amic marcha vers la ciutat per tornar trobar lu farmier, mas ‘tenci’, la granda vila es dangierosa, i a dau monde per s’i pardre.

_____

 

Publicités