A Tolosa, la meraria vòu botar defòra la Velorucion.

Dau temps que n’autres a Orleans organisavam « nòstra prumiera Veloruci’ »*, la meraria de Tolosa eriá apres botar defòra los d’alaï.

La meraria de Tolosa e son mera an decidats de tornar atacar e menaçar d’un procès e d’una expulcion la Velorucion en son locau. Sens parladura, sens perpausar quau que quò siàia per los tornar lotjar.

Lu procès eriá lu 14 d’abriu.

N’autres fam ‘na cridada aus obradors de becanas e mai-que-mai a l’Heureux Cyclage, a totas las associacions, los colectius, los pertits politiques, sindicats, ciutaden-a-s per estre sostenguts. Persentam aquí una peticion (>fr), marces de la sinhar e ne’n far la propaganda dins vos reseus.

Am desjà damandar a la meraria de ‘chaptar lu locau per lu pretz de venta balhat (quauques 150 000 € 00), sens obludar que damandam p’unas subvencions, que paiam las nòstras charjas e am farjats daus empleis « non-aidats ».

La meraria sembla voler ‘nar vista dins son progier d’eispulcion e botar defòra una associacion que trabalha desempuei 13 annadas d’un biais amator, democratique e coma aida per lu mitan cicliste.

Lu locau es estat ‘chaptat ne’n 2009 per 550 000 € 00 e seriá tornat vendut per 300 000 €00, la Velorucion ne’n pren qu’una meitat. Ne’n 2011 aguetem una convencion per ocupar lu luòc, denonçada ne’n 2012 mas lu logier eriá reclamat tots los ans.

Perpausetem de ‘chaptar lu luòc mas degun jamai nos balher de responsa.

Sem pas daus pus optimistes sus ‘quel afar. La vita daus ciclistes es desjà mesa a mau de veire coma la meraria ten compte de nos, ‘quò será d’enquera pus greu una vetz esbolhat ‘quel obrador, un dau pus important dau païs.

Viva la Veloruci’.

_____

  • Lu site de la Veloruci’ Tolosa (>fr)
  • Podetz escriur a : Vélorution! 36 rue Bernard Mulé 31400 Toulouse.
  • Tirat d’un article de Carfree (>fr)

_____

* i a un temps d’aquò, daus ciclistes e de las ciclistas s’organisaten ne’n colectiu e fagueten de las revendicacions.

Lu 11 d’abriu, eriam quauques 150, 2000 segond los organisators (PS & EELV, de bana per voler un pont de mai non pas suprimar un sens de circulaci’ sus un pont qu’eissista. I tornarai), 50 segond la poliça.

Publicités