L’art dau zen dins lu biais d’anar ne’n becana !

I a un filmonet, postat i a gaire sus youtube©, que faguet vista lu torn de las rodas de las becanas.

« La vita d’un cicliste vilaud » montra coma tots los jorns, la bicicleta deu reclamar sa plaça a la banhòla. L’eideia es d’eimatjar las paurs que fan que la gent van pas mai per bicicleta », e la resulta ten ‘quela dosena de minuta. Res es balhat que quò siguesse ad una forcha classica o viradoira, una pita rua o b’etot sus los corredors servats a las becanas, es beleu aquí que las boinas son passadas.

De segur lu filme es fach per far paur, mas maitot per far comprener aus decidors, e a las decidritz que las infrastucturas mancan per poder rotlar ne’n securitat.

Lu filmonet montra que quauquas vetz lu tipe pausa de las questions aus conductors, per pas grands chausas. Eu vai jurtà dire ad una « qu’es un bra’e velo que tu nos montras aquí ».
Apres aver dich que i a de la gent que fan ‘tencion, aürosadament, lu cicliste ‘chaba per erplicar que fau anar d’aici la tustada, la tustada d’una man sus la divessa a quatre rodas e que finalament, « se pòde tustar, qu’es que v’autres setz tròp pres ».

Lu filme es estach realisat a Rouen, mas dins vòstras vilas, coma ‘quò se passa ?